Skip to main content

Qaratsamigut ajoqutilik ikiorneqarnissaminik ukiuni marlunni utaqqisimasoq

Isumaginninnermi Maalaaruteqartarfiup suliaq ukiuni marlunni qaammatinilu pingasuni aalajangiiffiginiarsimavaa, qaratsamigut ajoqutillip inummik tapersuisoqalernissaani sungiusarlunilu inissinneqarnissaani.

Angutip qaratsamigut ajoqutillip ikiorserneqarnissaa pillugu suliaq Isumaginninnermi Maalaaruteqartarfiup tuaviuunnerusariaqarsimagaluarpaa. Suliallu isumagineqarnerani Ilaqutariinnut Pisortaqarfik aamma kukkussuteqarsimavoq.

Ombudsmandip internetimi quppernata misissornerani tamanna takuneqarsinnaavoq.

Angut 39-nik ukiulik qaratsamigut aanaartoornermi kingorna nukillaarsimavoq qaratsamigullu ajoquteqalersimalluni, inuillu annertuumik innarluutillit pillugit inatsisartut peqqussutaat malillugu ikiorneqartariaqartunut ilaalersimalluni.

Ombudsmandip suliamik saqqummiussinerani kommunep qanoq ateqarnersup isertuunneqartup, angutip taamani nuliata nakkutilliisuatalu kissaateqarneqarnerisigut Ilaqutariinnut Pisortaqarfimmut innersuunneqarpoq, angut Danmark-imi sungiusarluni najugaqartinneqassasoq aammalu nalunaaqquttap akunnerini 160-ini tapersersuisumit ikiorserneqassasoq.

Qinnuteqaatit marluk Ilaqutariinnut Pisortaqarfimmit itigartitsissutigineqarput, aalajangiinerillu Ilaqutariinnut Maalaaruteqartarfimmut maalaarutigineqarlutik, qaammatit 2-3-t qaangiuttut aalajangiissuteqartumut.

Ilaqutariinnut Pisortaqarfiup aalajangiineri Maalaaruteqartarfiup allanngortippai, taamaalilluni Isumaginninnermut Naalakkersuisoqarfik angutip sungiusartinneqarnissaanik nalunaaqquttallu akunnerini 160-ini tapersuisoqarnissaanik isumaginnittussanngortillugu.

Maalaaruteqartarfiup aalajangiinnginnerani nakkutilliisua ombudsmandimut maalaaruteqarpoq, maalaaruteqartarfiup suliamik ingerlatsinermini piffissaq atorsimasaa aamma Ilaqutariinnut Pisortaqarfiup aalajangiisimaneri pillugit.

Suliap isumagineqarnerani maalaaruteqartarfik tuaviuussisimanngimmat ombudsmnadip isornartorsiorpaa.

Danmark-imi sungiusarluni najugaqarnissamik ikiorsiinissaq Ilaqutariinnut Pisortaqarfiup itigartitsissutigisimammagu ombudsmandip aamma isornartorsiorpaa, tamatumani tunngavilersuutigalugu angut peqqinnissaqarfimmi naammassillugu peqqissarneqarsimanngimmat. Inuit annertuumik innarluuteqalersimasut ikiorneqarnissaat pillugu angut inatsisartut peqqussutaannut ilanngunneqarsimammat taamatut aalajangerneq akerliusoq tunngavilersuutaasoq ombudsmandi oqarpoq.

Ombudsmandip ilanngullugu siunnersuutigaa innarluutillit pillugit suliani Namminersorlutik Oqartussat allaffeqarfianni innarluutillip kommunea isiginiassanngikkaat, akerlianilli innarluutilik suliamut akuusutut isiginiassagaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER