Nualluut H1N1 takkuteqqippoq
Siorna oqaluuserineqartorujussuaq, nualluut H1N1, aamma puulukit nualluutaattut ilisimaneqartoq, takkuteqqippoq.
Sverigemi Helsingborgimi sapaatip akunnerata naanernai nukappiaraq H1N1-imik toqquteqarpoq. Ilimanarluinnarpoq H1N1, aamma puulukit nualluutaattut ilisimaneqartoq, takkuteqqittoq.
Danmarkimi nunanilu allani napparsimmavinnut unittoqarsimavoq qularnanngitsumillu amerlanerut unikkumaarput, Sundhedsstyrelsip pisortaa Else Smith metroXpress-imi naliliivoq.
Nappaalli takkuteqqinnermini nunani sanilitsinni toqumik kinguneqaraluartoq ikinnerpaat ernumassutissaqanngillat.
- H1N1-p nualluutit allat assigai. Ullualunnguani napparsimaruluttoqarsinnaavoq, peqqisseqqittoqartarporli. Inuilli ilaat ulorianartorsiorput tamakkualu inassimavagut akiuussutissamik kapiteqqullugit, neriunarporlu taamaasiorsimassasut, Else Smith oqarpoq.
- Nunani avatitsinniittuni nualluummik eqqugaasut amerligaluttuinnarput, taamaattumik qularnanngilaq maani aamma taamaassasoq. Inuit ulorianartorsiortut ilagigaanni tunillatsinnissamillu ernumassuteqaraanni nakorsamik oqaloqateqartariaqarpoq- Oqareernittulli amerlanerpaat nappaat anigortarpaat, Else Smith oqarpoq.
Siorna taamaanngitsoq H1N1-imut akiuussutissamik kapitittarneq ukioq manna nalinginnaasumik kapitittarnermut ilaavoq, tassa immikkut ilsiimasallit naatsorsuutigimmassuk H1N1 takkuteqqikkumaartoq.