Skip to main content

Eske Brun – nunatta nutaaliaasup pilersitsisua?

Allaaserisami nutaami allaaserineqarpoq sorsunnersuarmi kingullermi nunatsinni naalakkap ullumikkut iniuaqatigiinni pissutsit qanoq isikkoqassanersut aalajangersiarsimanerai

Cand.mag. Jens Heinrichip ukiut 50-it matuma siorna nuantsinni pissutsit Ph.D-nngorniarluni allaaserai. Isummiussarlu eqqorpat allaaserisap qiterisaa ullumikkut pisutuulli soqutiginartigaaq.

Allaaserineqarpoq Eske Brunip inuiaqatigiit ineriartorneranni pingaarutaa, nunatsinni 1932-miit 64-imut pisoq, taassumalu nunatta nutaaliaasup pilersinnerani pingaaruteqarnera.

Eske Brun sorsunnersuarmi kingullermi nunatsinni naalakkatut nunatta inissisimaneranut pingaarluinnartuuvoq. Nunatta Danmarkip ataaniiginnarnissaa aalajangiussimavaa ingammik USA-mut tunngatillugu, nunatsinnilu innuttaasut akornanni Danmarkimit nunatsinnik aqutseriaatsip ingerlateqqinneqarnissaanut.

Sorsunnersuaq peqqutigalugu nunatta matoqqasuunera illersugaaneralu naajartulerpoq. Sorsunnersuup kingorna qallunaat nunatsinnut politikkiata nutarterneqarnissaa pisariaqaleriartorpoq. Tassani Eske Brun atorfiliuvoq sunniuteqarluartoq aallaqqaammut Grønlands Styrelsemi vicedirektøritut kingornalu naalakkersuisoqarfimmi pisortatut, Jens Heinrich naliliivoq.

Ph.D-nngorniarluni allaaserisani illersulerpagu peqataasinnaavutit. Tamanna pissaaq Ilimmarfup tusarnaartitsiviani decembarip 15-ani 2010 nalunaaqutaq 13-16.

Aamma Jens Henrichip Ekse Brun pillugu allaaserisaa atuarsinnaavat uani

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER