TB-mik akiuiniarnermut 150.000 koruunit
Tupakuluusip akiorniarneanut Post Greenlandip ataasinngormat 150.000 koruunit Nakorsaaneqarfimmut tunniuppai
Annonse
2008-mi maajimi Kalaallit Nunaannu tupakuluusip akiorniarnissaanut frimærki immikkut akeqartitaq saqqummersinneqarpoq. Frimærki, titartaasartumit Miki Jakobsenimit titartarneqarsimasoq, tunisaalluarsimavoq. Nunatsinni nunailu allani.
Taamaattumik POST Greenlandip tulluusimaarutigalugu tuniniaanermit immikkut naleqassutsikkut isertitat 150.000 koruunit Nakorsaaneqarfimmut tunniuppai, tassani nunatsinni tupakuluusip akorniarneqarnera ingerlanneqarmat, Tele-Postimit tusagassiorfinnut nalunaarummi allassimavoq.
Tele-Postimi pisortaanerup Brian Buus Pedersenip ataasinngormat anngaasat peqqissutsimut naalakkersuisumut Agathe Fontainimut tunniuyppaat, Post Greenlandip Nuummi qullersaqarfiani.