Skip to main content

Inaluarsuakkut kræfteqartarneq pillugu ministeri apeqqarissaarfigaa

Lars-Emil Johansenip danskit naalakkersuisuisa kræftimik akiuiniarlutik iliuuseqarniarnerat aqqutigalugu kalaallit innuttaasut kræftimik eqqorneqarsimasut qulaakkerissuniarpai.

Lars-Emil Johansenip ataasinngormat Danmarkip peqqinnissamujt ministeria Bertel Haarder ataatsimeeqatigaa. Siumut Folketingimut ilaasortaatitaata tamatumani siunertaraa paaserusukkamiuk kalaallit innuttaasut danskit naalakkersuisuisa, Dansk Folkepartiip aamma Kristendemokratit kræftimik akiuiniarlutik iliuuseqarniarnermik isumaqatigiissutaanni peqataatinneqarnissut.

- Siunertarineqartoq tassaavoq danskit kræftimut tunngatillugu politikianik kalaallit innuttaasut kræftimik eqqorneqarsimasut, sapinngisamik annertuumik iluaqutiginninnissaat kiisalu tamatumunnga ilutigitillugu, Kalaallit Nunaanni kræftimik akiuiniarnermut atatillugu Danmarkilu suleqatigiissutaasinnaasut nutaat pilersinniarnissaat, taamak Christiansborgimi Lars-Emil Johansenip allaffeqarfianiit ilisimatitsissuteqartoqarpoq.

Kræftimik akiuiniarnermut iliuusissami pingaartinneqarput pitsaanerusumik pinaveersaartitsinissaq aamma kræfteqarnermik paasiniaasarnissaq.

- Kræftimik nappaateqartutut malunniutaasinnaasut suunerili ilisimaneqanngitsut pillugit misissuisarnissamut iluuseqarniarpugut, taamatut nappaateqartutut malunniutinik misigisaqartut misissorneqarnermik ingerlanneqarneranni qanoq innerminnik pilertortumik paasitinneqartarnissaannut atasumik, naalakkersuisut aamma partiit tapersersortaat isumaqatigiissutip pappiarartaani taamatut nassuiaapput.

Isumaqatigiissummi immikkoortut tunngavigisat tassaapput kræftimik nappaateqartut pillorissarneqarnissaannut ataatsimoortumik pilersaarusiornissaq, kiisalu nuna tamakkerlugu inagugarsuakkut aamma erlukkut kræfteqarnermik misissortinnissamut neqerooruteqarnissaq inunnut 50-iniit aamma 70-inut ukiulinnut.

Paasisaqarluarnissaminik kissaateqarnerminut Lars-Emil Johansenip pingaartippa kalaallit innuttaasut tamarmik Danmarkimi najugaqartut, misissuinissanut nutaanut kiisalu pitsaanerusumik anniarnaveersaartinneqarnissamut, iliuusissatut ilaatineqartuni, neqrooruteqarfigineqarnisaminnut periarfissaqassanersut.

Tamatuma saniatigut Lars-Emil Johansenip kissaatigaa kalaallit kræftimik nappaateqartut Danmarkimut aallartinneqartarnissaannut periarfissanik erseqqaasoqarnissaa, aammattaaq tamanna inuiaqatigiinnut Kalaallinut qanoq akeqassanersoq, tassa iliuuserineqartussatut isumaqatigiissut tunngavigalugu neqerooruteqarnerit Kalaallit Nunaanni atuutsinneqalissappata tamannalu Kalaallit Nunaanniit Danmarkimut akilerneqassappat.

Isumaqatigiissut pillugu nammineq atuarsinnaavutit kræftplanen.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER