Skip to main content

Takornariat apeqqutaannik akunnittarfiit qarasaasiamik ikiorneqarput

Qeqqata Kommuniani takornariat siunissami elektroniskimik paasissutissiissutini paasissutissanik ujarlersinnaalerput.

Destionation Arctic Circlep takornarianik paasissutissiinermi najoqqutassaq nutaaq atulerpaa. Tamanna pivoq paasissutissiissutinik - qarasaasiat internettimik tunngavillit tassani iserfigineqarsinnaallutik quppernerit nittartakkat takutitsisut nunap immikkoortuani misigisassanik, angalaarnissamik neqeroorutit, angallannermi pissutsinik, unnuiffissanik allarpassuarnillu.

Hotel Sisimiut pisortaa Anette Lings misileraalluni aaqqissuussinermi peqataasimavoq suliniummik tunngaviliisumi:

- Hotel Sisimiuni ukiumi ataatsimi Destination Arctic Circlep paasissutissiissutai nivingasimapput pulaartunut sulisunullu iluaqutaalluarlutik. Pulaartutta nunap immikkoortuani tamarmi misigisassatut periarfissat eqqissillutik qimerloorsinnaavaat, sulisullu sullissinermi suliassanut allanut piffissaqarnerulerlutik. Allatut oqaatigalugu arlaannut attuumassuteqanngitsumik takornarianut paasissutissiiffeqarpugut uani saaffiginnittarfimmi, allanik aningaasartuuteqarnata taamaallaat internettimik atuilaarnermut, taanna tusagassiorfinnut nalunaarummi allappoq.

Tamanna peqatigalugu GTE-p pisortaanut Anders Stenbakkenimut paasissutissiiffiit Kalaallit Nunaanni takornarianik paasissutissiiniarnermi akuttunngitsumik unammilligassarujussuusartunut aaqqiissutissaapput.

- Paasissutissiissutit Destination Arctic Circlep nunap immikkoortuani tamarmi ikkussugai Kalaallit Nunaanni takornarianik attuumassuteqanngitsumik paasissutissiinermut unammilligassanut aaqqiissutissaalluarput. Takornarianut allaffiit inuttallit ingerlatnerat akisoqaat, paasissutissiissutilli nettimik tunngavillit atorlugit sumunngorfimmi sumiiffinnut tamanut paasissutissat nutartertarsinnaavagut, tamannalu siumut isigisumik aaqqiissutaavoq piffissaq ungasinnerusoq isigalugu nuna tamakkerlugu atorneqalersinnaasoq.

Paasissutissiissutit Sisimiuni, Itillimi Sarfannguanilu ikkussorneqareersimapput nunallu immikkoortuata sinnerani illoqarfinni nunaqarfinnilu tamani ikkussorneqassallutik kommunit allaffiini, akunnittarfinni, katersugaasivinni mitttarfinnilu 2010-mi decembarimi atulersinnaalersillugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER