Skip to main content

Danmarkimi palaseqarfimmik ingerlatsinngilagut

Kalaallit immikkut ittumik palaseqarnerisa siunertaraat inuit piumassuserinngisaminnik Danmarkimiitariaqartut kiffartuunnissaat, taama nalunaarpoq allaffimmi pisortaq Morten Nornild Danmarkimi kalaallit palasiat pillugu allaaserisamut oqaaseqaatitut.

– Tupigineqarsinnaavoq sooq qanorlu ililluni ajornartorsiut taanna akutsunngitsumik tusagassiuutiniittartoq palaseqarfimmi allaffissornermi pisortaq Morten Nornild oqarpoq, maannakkullu Jens-Kristian Kleist "erseqqissaataasumik oqaloqatigiinnissamut" angerlaqqullugu.

– Suliaq ersarippoq. Kalaallit Nunaanni ilagiit Danmarkimi palaseqarfimmik ingerlatsiuunngillat. Tamanna qallunaat ilagiit isumagisassaraat. Imaapporlu Danmarkimi sumi tamani palaseqarfinni immikkut ittumik naalagiartitsiartussaanatik, oqarpoq nangillunilu:

– Kalaallit Nunaanni ilagiit taamaattoq immikkut ittumik Danmarkimi palaseqartitsipput tassalu maannakkut Jens-Kristian Kleist. Immikut ittumik palaseqartitsinermi siunertaavoq ersarissoq nunaqqatigut piumassuerinngisaminnik Danmarkimiittut kiffartuunnissaat, tassungalu aningaasaliisarpugut.

– Tassalu nunatsinni ilagiinniit kiffartuussineruvoq inunnut siunertamiittutut, taakku oqaatsitik atorlugit anersaakkut kiffartuunneqarsinnaallutik. Tassaasinnaapput napparsimallutik imaluunniit inissinneqarlutik Danmarkimiittut.

– Kalaallit Nunaanni ilagiinniit palasit soraarnerit Danmarkimiittut narrugineqanngillat. Taakkuli sulisinniartuunngilagut taamaattumillu tamakkiisumik ilaannakuusumilluunniit tapiiffigisinnaanagit, allatulluunniit Danmarkimi palaseqarfimmik ingerlatsinissaannut tapersinnaanagit. Aamma nunatsinni ilagiinniit Københavnimi Vester kirkegaard aningaasaleeqataaffigisarparput.

– Suliaq kingulleq tunngavigalugu Jens-Kristian Kleist aggersarlugu periarfissami siullermi oqaloqatigineqassaaq Danmarkimi ilagiinnik sullissinermut atatillugu, allaffimmi pisortaq oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER