Skip to main content

UNICEF takoqqillugu

Aqagu UNICEF Nuummut tikissaaq Namminersorlutik Oqartussat UNICEF-illu aggustip 19-ani 2010-mi suleqatigiinnissamut isumaqatigiissutaa qanoq malitseqartinneqassanersoq oqaluuseriarlugu

Aggusti 2010-mi Namminersorlutik Oqartussat UNICEF-imik suleqatigiinnissamut isumaqatigiissusiorput ukiuni tallimani atuuttussamik. UNICEF 10 million koruuninik aningaasaliivoq soorlu aamma Namminersorlutik Oqartussat taamaaliortut.

– Suleqatigiinnissamut isumaqatigiissutip siunertaraa soorunami meeqqat atugaasa pisinnaatitaaffiisalu nukittorsarnissaat, naalakkersuisunut ilaasortaq Maliina Abelsen Sermitsiaq.AG-mut oqarpoq.

– Eqqarsarluareerluta ataatsimeeqattaareerlutalu aalajangerparput isumaqatigiissummi qulequttat sisamat aallaavigineqassasut:

1) eqqarsartaatsip allanngortinnissaanik isumagininnikkullu akisussaassuseqarnissamik pilersaarutit,

2) inatsisit misissorneqarneri,

3) piumassutsimik suliniaqatigiiffiit nukittorsarnissaat

4) nakkutilliinerit naliliisarnerillu nukittorsarnissaat.

– UNICEFmaannakkut takkuppoq pilersaarusiorfigiartorlugu qulequttat sisamat qanoq qaqugulu iliuuseqarfigineqassanersut pilersaarusioriartorlugu. Isumaqatigiippugut eqqarsartaatsimik allanngortitsinissaq salliutittariaqaripput qulequttalli tamarmik aamma aallarnisarneqassallutik. Maannakkut eqqartorparput suliaq qanoq ingelranneqassanersoq. Qanoq ililluta inuiaqatigiinni meeqqat inuusuttullu pitsaasumik inuuneqarnissaat pilersinneqassava? - Tassaasinnaapput suliniutit maligassiuinissat atorneqarlutik, aammali suliutit toqqaannartumik meeqqat oqariartorfigisinnaasaat. Tassalu meeqqat ilaatillugit,Maliina Abelsen oqarpoq.

– Erseqqissassallugu pingaartuuvoq UNICEF-ip namminersorlutillu oqartussat suleqatigiinneranni susassaqartut amerlanerpaat peqataanissaat. Tassalu piumassutsiminnik suleqatigiiffiit, inuutissarsiortut il.il. UNICEF-imik suleqateqarneq tunngaviussaaq sumiiffinni aamma tunngaveqartoq, sapinngisamillu amerlanerpaat peqataassapput, oqarpoq.

Maliina Abelsen oqarpoq Danmarkimi UNICEF ataqatigiissaarisoqalereersimammat, nunatsinnilu aamma taamaattumik atorfinitsitsisoqassalluni.

– Tikeraarnermut aamma peqqutaavoq nunatsinni ataqatigiissaarisumik atorfinitsitsinissami oqaloqateqarnissaq. Taanna naalakkersuisoqrfimmi inissisimassaaq.

Aamma nalunaarutigineqarpoq UNICEF aamma namminersorlutik oqartussat KNR-imik ataatsimeeqateqassasut, tusagassiivimmut inuutissarsiortunillusuleqatigiinnissap pilersaarusiornissaanut periarfissat eqqartueqatigiiffiginiarlugit.

Tikeraartoqarnerani UNICEF aamam isumaginninnermut naalakkersuisoqarfik ilaatigut suliassanik aalajangersimasunik eqqartuissapput eqqarsartaatsimik allanngortitsinissamut isumaginninnikkullu akisussaassuseqarnissamut suliniummut atatillugu.

UNICEF naalakkersuisoqarfillu maani ussassaariffimmik KNR-imik, inuutissarsiortunik piumassutsimillu suliniaqatigiiffinnik ataatsimeeqateqassapput siunissami suleqatigiinnissamut periarfissat eqqartorniarlugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER