Skip to main content

Savalimmiormiut nunamik ilaa FN-imit nalilertinniarpaat

Kunngeqarfiup Danmarkip Savalimmiut kujataani imartaq eqqaamiunut attuumasoq piumasarilerpaa.

Qallunaat naalakkersuisui Savalimmiuni naalakkersuisut peqatigalugit Savalimmiut kujataani immap naqqa 200 sømilit ungataaniittoq nunat killeqarfiinik naliliisartunut naliligassanngorlugu tunniuppaat ilisimatuussutsikkut uppernarsaatitalerlugu.

Nunap ilaatut nalilertinniagaq tassaavoq 608.000 kvadratkilometeriusoq tassaalluni Savalimmiut kujataani 820 sømilit tungaanut isorartutigisoq. Taamatut naliliisoqarnissaanik piumasaqarneq FN-ip allattaanera aqqusaartussaavaa, soorlu tamanna piumasaqaataasoq FN-ip immamik piginnittussaanermut isumaqatigiissutaani.

Naliliisoqarnissaanik piumasaqarneq uppernarsaallunniit tassaavoq katillugit sumiiffiit tallimat ilaasa aappaat, qallunaat kunngeqarfiata piumasaqarfigisaa. Piumasaqaat siulleq tassaavoq Savalimmiut avannaanut tunngasoq taannalu 2009-mi tunniunneqarsimavoq.

Irland, Island aamma Tuluit Nunaat aamma piumasaqarput qallunaat savalimmiormiullu piumasaqarfianut attuumasunik tassalu Færø-Rockall Plateaumi. Akunnerminni ataatsimeeqattaarsimagaluarlutik sumiiffiup sumi killeqarfeqartinnissaanut isumaqatigiissuteqanngillat.

Irlandip Tuluillu Nunaata piumasaqaatitik upernaakkut 2009-mi tunniuppaat Islandilli suli uppernarsaatit tunniussimanagit.

Nunarpassuarnit uppernarsaatit arlaqartut nunat killeqarfiinik naliliisartunit suliarineqarnissaat utaqqineqarpoq, siulittoruminaapporlu qallunaat savalimiormiullu piumasaqaataat qaqugu naliliiffigineqassanersut. Suliarineqarnera ukiut marluk angullugit sivisussuseqarsinnaavoq

Ritzau taama allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER