Skip to main content

Pisortaq kaagillerpoq

Københavnip mittarfia Air Greenlandip 50-inngortorsiornerani kingullerpaamik kaffillerfigineqarpoq. Pisortaaneq Michael Binzer kaagimik avissisuuvoq, ilaasussallu kaffisornissaminnut piffissaqarluarput, timmisartormi kinguaattoorluni tikippoq.

Naak akunnerit sisamaata affaanik kinguaattoortoqaraluartoq Københavnip mittarfiani nuannisartoqarpoq Air Greenland ukioq manna kingullerpaamik ullorsiornerminnut kaffilermat, Vivi Nielsen qilaatersorluni Aavaakkulu erinarsorlutik.

Timmisartup attartukkap Boeing 757-p kingunaattoorneratigut kaffisornissamut kaagimillu mamartumik nerinissamut piffissaqarluarpoq, kaagi Sermersuartut marcipanimik qallersimavoq, nanoqarluni illuigaqarlunilu. Taassuma saniatigut muffinsit qilattut qaaqarput aappalaartunik timmisartortaqarlutik.

Air Greenlandimi pisortaaneq Michael Binzer oqalugiaammini oqarpoq 50-inngortorsiorneq aaqqissuussinerillu iluatsilluarsimasut. Air Greenlandip nittartagaa unnerpaa, tassani suliffeqarfiup ineriartornera ilaasullu oqaluttuaat nuannersut atuagassaallutik.

- Kalaallit Nunaanni oqaluttuarneq nalliuttorsiortarnerlu atugaaqaat. Tassaapput ilisimasaqarfivut, Binzer qungujoruloorluni oqarpoq nangillunilu Nuummi kaffillernermi inuit 5000 tungaanoortut takkussimasut.

Juullimut qilanartuutissasut tunissutigalugu neriorsuutigaa ukiuni pingasut tallimani tulliuttuni Air Greenlandimik angalaneq akikinnerulissasoq. Binzeri naapertorlugu Nuummut, Sisimiunut Ilulissanullu amerlanerit najugaqarfiinut niuernikkut angallavinnut pingaarutunut akit apparneqassasut.

- Assartuinermut ataatsimiititaliarsuup innersuussinissaa januaarimi saqqummiunneqartussaq pissangagaara. Air Greenlandimi pissutsinut nutaanut naleqqussarnissatsinnut piareersimavugut, taamaattoqassappalli piffissamut sivisuumut pilersaarusiortoqartariaqarpoq, Binzer oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER