Parnaarussivimmi atornerluinermut katsorsartinneq

Inatsisinut atortitsinermut ministeri Lars Barfoed eqqartuussiveqarnermut ataatsimiititaliamiit apequt akillugu Danmarkimi parnaarussivinni parnaarussat Kalaallillu Nunaanni pineqaatissinneqarsimasunut inissiisarfinniittut atornerluinarminnut katsorsarneqartarnissaannik apeqqut akissuteqarfigaa kiisalu katsorsartinnerminni nammineq akiliutissaannut tunngasoq.

Lars Barfoed akivoq parnaarussat inissiisarfimmiittullu innuttaasutut allatulli katsortartinnissaminnut periarfissaqartinneqassasut. Taamaattumik eqqarsartaatsimikkut napparsimasut parnaarussat allatuulli peqqinnissaqardimmik atuisinnaallutik, taamaalilluni inuit ataasiakkaat katsorsartinnissaminnut pisariaqartitsinerat Pinerluttunik isumaginnittunit naammassineqarsinnaanngitsoq naammassineqarsinnaassalluni.

Danmarkimi parnaarussiviit isertitsiviillu tamarmik sumiiffimmi nakorsamut attaveqarsinnaassapput, aammalu parnaarussivinni tamanani tarnip nakorsaanik aamma attaveqarsinnaalluni. Tarnip nakorsaanalingissaasumik sapaatip akunneranut pisariaqartitsineq aallaavigalugu takkuttartussaassaaq.

- Danmarkimi Krininalforsorgip ingerlatsiviini atornerluinermut katsorsartinneq akeqanngilaq. Naalakkersuisulu inatsisissatut siunnersuut utssarniaassutigaat katsorsartinnissamik qulakkeerinninnerup annertusinissaanut tunngasoq. Inatsisissaq akuerineqassappat isertitsivinniittut tamarmik siunissami katsorsartinnissaminnut qulakkeeriffigineqassapput pineqaatissinneqarnermik naammassinissaata tungaanut.

- Siunissami parnaarussivinni atornerluinermut katsorsaasarneq nukittorsarneqassaq, toqunartuiaaneruguni, kokainimut atornerlusuunermut tunngasuuguni, nangittumik katsorsaaneruguni kinguaassiutitigut atornerluisarnermut katsorsaaneruguni.

Kalaallit Nunaanni eqqarsartaatsimikkut napparsimasunut katsorsartinnissamik neqeroortutit eqqarsaatigalugit imaluunniit pineqaasissinneqarsimasut atorneruinerannut tunngasuuguni Pinerluttunik Isumaginnittuniit nalunaarutigineqarpoq, Kalaallit Nunaanni pineqaatissinneqarsimasunut inissiisarfinni peqqinnissamut sulisunik atorfinitsitsisoqarsimanngitoq. Pineqaatissinneqarsimasoq peqqinnissaqarfimmik atorfissaqartitsippaat tgamanna najukkami nakorsamit suliarineqassaaq, tassanilu aamma tarnimikkut napparsimasut immikkoortortaanut innersiissoqarsinnaallutni.

Pineqaatissinneqarsimasut tarnimikkut nappaatillit sullinneqarfiata ilaaneereersut toqqaannartumik tarnimikkut napparsimasunut immikkoortortanut innersuunneqartassapput tassani katsorsarneqarnerat nangilluni.

Pineqaatissinneqarsimasoq tarnip nakorsaanik oqaloqateqarnissamik pisariaqartitsippat kommunerisaa tassunga aningaasaliissasoq qinnutigineqassaaq. Aamma kommunerisaa atornerluineranut katsorsaanissamut aningaasaliissasoq qinnuigineqarluni.

Aamma oqaatigineqarsinnaavoq maannakkut Kalaallit Nunaanni Pineqaatissinneqarsimasunut Inissiisarfinni atornerluinermut katsorsaanermut neqeroorsinnaaneq pilersinniarneqarmat.