SAS-ip timmisartui marluk persersumi apungajapput
Novembarip 26-ani Kastrupimi Københavnip mittarfiani SAS-ip timmisartui marluk apungajapput. Taama allappoq ekstrabladet.dk.
Inuinnaat silaannakkut timmisartuunneqarneranni ajutoornermi naliliisartut nalunaarusiaagallartumik allapput novembarip 26-ani pisoq timmisartut marluk imminnut apungajannerat apornissamut ulorianartorsiornermik taavaat.
- Pisoq ilungersunarpoq, attaveqarnermut pisortaq Thorbjørn Ancher Trafikstyrelsenimeersoq ekstrabladet.dk-mut oqarpoq.
Uninnissamut qulleqaappalaartumik ikumasussaasoq qamissimavoq.
Taamaattumik timmisartup aappa aallariartortarfimmit ingerlaannarsimavoq, piffissarli kingullerpaaq atorlugu timmisartortartut paasivaat ajortoqartoq, taamaattumik timmisartup aappaata qangattalersup saneraatigut apornissaa pinngitsoortillugu.
Trafikstyrelsen iliuuseqapallappoq inassuteqarlunilu uninnissamut talut tamarmik ulloq unnuarluni ikumatinneqartassasut.
Uninnissamut talu timmisartumik qaangerneqassagaangat tamanna pisassaaq nakkutilliivimmiit nammineerluni qamitsinikkut.
- Taamaaliorpugut taamaattumik pisoqaqqeqqunagu, Thorbjørn Ancher oqarpoq.