Skip to main content

Lars-Emil: Kalaallit Danmarkimiittut tamarmik kalaallimik palaseqarsinnaatitaapput

- Uanga kirkeministerimut apeqquteqaatiga siunissamut aningaasaliisutissanik qulakkeerinninnermut tapertaasinnaappat, tamanna iluaqutaaginnassaaq, Lars-Emil Johansen nangippoq.

- Nuannaarutigaara qularnaarakku kiisami Naalakkersuisut erseqqivissumik oqaatigimmassuk Danmarkimi kalaallimik palasimik atorfeqartitsinermi aningaasaliissutit peerneqarnianngitsut, folketingimi ilaasortaq Lars-Emil Johansen, Siumut, oqaaseqarpoq.

- Kisianni biskopeqarfiup allaffeqarfiata pisortaata Morten Nornildip novembarimi Nuummi oqaaserisai, tamatumalu siornatigut Naalakkersuisut Aningaasanut Inatsimmut tunngatillugu oqaaseqarnerat naapertorlugit, eqqumiiginanngilaq ataatsimut isigalugu kalaallit Danmarkimiittut tamatumunnga tunngatillugu sulinneqarnerisa nalorninartorsiunarsimanera.

- Uanga kirkeministerimut apeqquteqaatiga siunissamut aningaasaliisutissanik qulakkeerinninnermut tapertaasinnaappat, tamanna iluaqutaaginnassaaq, Lars-Emil Johansen nangippoq.

- Kisianni tamatuma ajornartorsiut manna iluarsisinnaanngilaa, tassa biskopip allaffeqarfiata aamma Naalakkersuisut isumaqarsorinarmata "namminneq" Danmarkimi palasimik kalaallip taamaallaat kalaallit namminneq piumassuserinngisaminnik nunami tamaaniittut kisiisa sullisissagai, soorlu Naalakkersuisut nittartakkaminni taamatut allaaserisaqartut. Kiisalu kalaallit palasit soraarninngorsimallutik Danmarkimini najugaqartut, nalliuttorsuarni kalaallinik innuttaasunik ikiuiniarneranni nuannaartitsiniarnerannilu akilerneqarumanngippata, taava suli pisariaqarpoq arlaata tamatuminnga uparuaanissaa, Lars-Emil Johansen oqarpoq.

- Taavami kalaalerpassuit nammineq piumassuserpiartik tunngavigalugu Danmarkimi najugaqartut - tamaanilu akileraartartuusut. Taakku namminneq tunngaviusumik oqaatsiminnik atuisumik siunissami palasimik kiffartuunneqassannginnerlutik? - Soorlu danskit, namminneq piumasartik tunngavigalugu Kalaallit Nunaanni najugaqartut, Kalaallit Nunaata akiligaanik taamatut pineqartut - tamannalumi kimilluunniit apeqquserneqanngilaq, Lars-Emil Johansen aperivoq.

Tamanna tunngavigalugu Birthe Rønn Hornbechimut (ilageeqarnermut DK-mi ministeri, aaqq.) danskit akisussaaffigisaannik kalaallisut oqaluttunik atorfinitsitsisoqarsinnaaneranut tunngatillugu apeqquteqaatigisara naleqqulluinnarpoq, Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfiup naqqiissutitut taasaata saqqummiunneqannginneratali siornatigut. Kalaallit Danmarkimi innuttaasut tamarmik soqutigisaat uanga matumani isumaginiarsaraakka - maannakkut tappavani piumassuserinngisartik tunngavigalugu napparsimavimmiittut imaluunniit paarnaarussivimmiittut kisiinnaasa pinnagit. Danmarkimi Folketingimut ilaasortaasutut tamanna suliassat aamma ilagiinnarpaat! Lars-Emil Johansen naggasiivoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER