Inernera Kuupiup naammaginngilaa

Silap allanngoriartornera Nunani Issittuni nunap inoqqaavinut sunniuteqartoq Mexico-mi sila pillugu ataatsimeersuarneq naggaserlugu isumaqatigiinniarnerni Kalaallit Nunaata kisimi erseqqissaatigaa. Taamaaliornini naalakkersuisut siulittasuata nuannaarutigigaa KNR allappoq.

Inaarutaasumik isumaqatigiissutit Kalaallit Nunaannut toqqaannartumik sunniuteqartussaanngikkaluartut, Mexico-mi sila pillugu taatsimeersuarnermi COP16-imi naammasseqqammersumi pissarsiat Kuupik Kelist-ip naammagisimaarluarpai, LNR nalunaaropoq, Kuupik Klest-imik arfininngormat Mexico-mit aallartumik oqaloqateqarsimasoq.

- Silap allanngoriartorneranut atatillugu nunap inoqqaavisa atugassarisaat nunani issittuneersunit kisitta sapaatip akunnerani kingullermi erseqqissaatiaavut. Tamanna assut tulluusimaarutigaarput, ajunngitsumillu qisuariartoqarsimavoq, Cancun-imi timmisartoqarfimmiit Kuuopik Kleist oqarpoq.

Tullianik sila pillugu isumaqatigiinniarnissamut aappaagu Sydafrikami pisussamut pitsaanerpaamik piareersarnissaq nunat issittut suliassaasa annersarigaat naalakkersuisut siulittaasuat nailiivoq.

Inaarutaasumik isumaqatigiissut Bolivia eqqaassanngikkaanni nunat allat 192-it isumaqatigiissutigaat, taannalu imaqarpoq isumaqatigiissutit ilaannik arlalinnik, ilaatigut sila pillugu aningaasaateqarfissaq, nunat pisuut nunanut piitsunut aningaasanik tunissuteqartalissallutik, nunarsuarmilu orpippassuit nungukkiartornerisa unikaallatsinnissaat sulissutigineqassalluni.

KNR-ilu malillugu Kuupik Kleist-ip aningaasaateqarfik immikkut ittumik nuannaarutigaa, 2020-miit ukiumut 100 milliarder dollarsinik agguaassisartussaq, USA, EU aamma Japan aningaasaliisartut annersarissallugit.

- Nunat piitsut atugarisaasa isumagineqarnissaat isumaqatigiissutaammat COP16-imi siuariarnerit annersaraat, KNR-imut oqarpoq.

Ritzau malillugu nunat piitsut isumaqatigiissuteqarfigineqanngimmata NGO-t arlallit naammagittaalliiorput.

Peqataasut amerlasuut assigalugit Kuupik Kleist-ip ersissutigisimavaa ataatsimeersuarnermi isumaqatigiissuteqartoqannginnissaa, inaarutaasumilli isumaqatigiinniarnermi isumaqatigiinniartunik aqutsisup kakkassusia KNR-imi nersualaarlugu.