Skip to main content

Nersornaatit 2010 Maniitsumi Kangaamiunilu tunniunneqartut

Maniitsumi inuit marluk aamma Kamgaamiuni inuit marluk kommunep nersornaasiuttagaanik nersornaaserneqartut

1979-imili Maniitsup kommunalbestyrelsiata ukiumut kingullermeerlutik ataatsimiinnermini innuttaasut ilaannik ataatsimik arlalinnilluunniit nersornaasiisarneq ileqqorilersimavaa. Ileqqorlu taanna Qeqqata Kommuneata ingerlateqqiinnalersimallugu.

Nersornaasiisarnermilu inunnut Maniitsup kommunetoqaani ullumikkut Qeqqata kommuneani maligassiuilluarsimasunut, pissutsinillu soqutinnilluarlutik eqiasuillutik aallarnisaasimasunut nersornaasiunneqartarpoq. Nersornaasiinerlu ukiuut ataasiarluni ingerlanneqartarpoq.

2010-mi Maniitsumi ukiumut nersornaasiineq borgmesterip tullersortaanit Karl Lyberth-imit ingerlanneqarpoq, ukulu nersornaasigaapput:

? Elias S. J. E. Lyberth, Maniitsoq. Eliarsimik nersornaasiineq ilaatigut peqatigiiffilerineranit tunngavilersugaavoq. Pingaartumik timersorneq Eliarsip inuunermini ingerlattuarsimavaa, sulilumi utoqqaat peqatigiiffiata timersortartuinut peqataalluni. Eliarsi aamma Qeqqata Kommuneani utoqqarnik siunnersortinut ilaavoq, taamatullu 1993-imiit 2005-imut ilagiit sinniisaanni ilaasortaasimalluni.

? Ane Skifte, Maniitsoq. Anep ilaatigut sulisartunut tunngasutigut suliaqartuarnera tunngavilersuutaavoq. Ane 1995-imiilli sulisartut peqatigiiffianni peqataalersimavoq, tassanilu aningaaserisutut siulittaasutullu ingerlatsisimalluni. Tamatuma saniatigut ukiuni arfineq-pingasuni SIK-p siulersuisuunerini ilaasortaasimavoq. Ane ukiut ingerlanerini siunnersortini ataatsimiititalianilu assigiinngitsuni ilaasortaasarsimavoq, taamatullu aamma Maniitsumi ullumikkumut arnat peqatigiiffeqarneratigut qujassutissaqarfigaarput. Ane ullumikkut Maniitsumi utoqqaat timersoqatigiiffianni siulittaasuuvoq, taamatullu aamma nunatsinni utoqqaat peqatigiiffiisa kattuffianni siulittaasuulluni.

2010-mi Kangaamiuni ukiumut nersornaasiineq Efraim Olsen-imit borgmesteri sinnerlugu ingerlanneqarpoq:

? Jensine og Per Christiansen, Kangaamiut. Jensine aamma Per ilaatigut 1985-imiilli Pisiniarfeeqqamik ingerlataqarnerat tunngavilersuutaavoq. Ukiut ingerlanerini pisiniarfimmi inuusuttorpaalussuit sulisorisaarsimavaat, taakkulu tassani ingerlanerminni kajumissaarneqartuarlutik inuunerminni taanna ilinniutigisarsimallugu. Taamaalilluni pisiniarfiata inuusuttut ingerlariaqqinnissaannik aqqutissiuuttarsimallugit, aammalumi Kangaamiuni timersornerup tungaatigut. Tamatuma saniatigut Jensine aamma Per Kangaamiuni takornariaqarnerup ineriartortinneqarnerani peqataalluinnarsimapput.

Nersornaasiinerit Maniitsumi Kangaamiunilu 10. december 2010 ingerlanneqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER