Skip to main content

Hedegaard: Klima pillugu allatat amigaateqarput

Silaannaap allanngoriartornera pillugu Cancúnimi ataatsimeersuarnermi isumaqatigiissuteqartoqaraluarpalluunniit, taava nunarsuaq tamakkerlugu allannguinissaq suli ungaseqaarput, klimakommissæri isumaqarpoq.

COP16-imi ataatsimeersuarnerup ulluani kingullermi isumalluartoqanngilaq.

Silaannaap allanngoriartorneraa pillugu FN-ip isumasioqatigiisitsinerani Cancúnimi Mexicomiittumi ingerlanneqartumi allaganngorlugit saqqumiunneqartussat suli amerlasuunik pingaarutinillu amigaateqarput. Kiisalu qanorluunniit ilioraluaraanni "nunarsuaq tamakkerlugu mumisitsisoqarneranik" oqartoqarsinnaanngilaq.

EU-mi klimakommissær, Connie Hedegaard, taavani nalunaaqutaq malillugu tallimanngornermi ualikkut killiffik pillugu taamak isumaqarpoq. Ilaatigut suli CO2 pillugu naatsorsuisarnerit maleruagassaat imaluunniit silaannaap allanngoriartornera pillugu isumaqatigiissutaasussap inatsisitigut qanoq annertutigisumik pituttuissanera pillugu isumaqatigiissutaanngillat.

- Tamakkiisumik isigalugu qanoq uuttuisoqassanersoq aamma oqimaalutaasoqassanersoq EU-mut annertuumik pingaaruteqarput. Kiisalu piviusoq tassaavoq maannakkut nunat CO2 pillugu neriorsuutaat tunngavigalugit kiassuseq marluk ataallugit kiannerulertitsinnginnissaq angusinnaanngilarput. Tamanna politikkiunngilaq kisianni piviusuuvoq, tamannalu allatanut ilannguttariaqarparput - ukiuni aggersuni annertunerusumik iliuuseqartoqartariaqarpoq, Connie Hedgaard oqarpoq.

Umiarsuit aamma timmisartut orsussamik atuinerat aammattaaq allatani ilaannginnerat amigaatigaa. Koytomi-isumaqatigiissummi 2012-mi naasussami imaatigut aamma silaanakkut assartuinerup nalimmassarneqarnissaa ilaatinneqanngilaq.

- Taamaattumik allagannguinissamut ilanngutsinniarlugu ilungersuutigisassagut suli amerlaqaat, oqartoqarsinnaalissappat oqimaaqatigiissitsineq anguvarput. klimakommisæri oqarpoq.

Ataatsimeersuarneq COP16 iluatsitsiffiussannginnersoq imaluunniit ilaatigut isumaqatigiissuteqarnermik inerneqassanersoq, maannakkut siulittuutigissallugu siusippallaarnerarpaa. Kisianni Connie Hedegaard isumaqarluinnarpoq isumasioqatigiinneq tallimanngorpat, taqqavani nalunaaqutaq malillugu unnukkut arfinermut naammassinissaa ilimaginngilluinnarpaa, tamanna ataatsimeersuarnermi siulittaasup Mexicomi nunanut allanut ministerip Patricia Espinosap taamatut kissaateqarneratut.

Sisamanngormat unnukkut India isumallualersitsivoq, tassa nunap avatangiisinut naalakkersuisuata, Jairam Rameship saqqummiummagu India - immaqa - isumaqatigiissummi nutaami klima pillugu isumaqatigiissummi pituttuinissamut peqataasinnaasoq. Manna tikillugu nunat ineriartortut iliuusissaat namminneq piumassuqarnerat malillugu ingerlapput, ingammik Kina inatsisut tunngavigalugit pisussaaffiliinissamut, soorlu nunat suliffiussuaqarfiusut taammaattumik malitassaqartut. assut akerliusimavoq.

Indiamiit taamatut issummamik saqqummiussinerup aningaasarsiornikkut annertuumik ineriartorfiusut aamma USA annertuumik tatissavaat. Kisianni erseqqippaallaanngilaq Ramesh taamatut oqaaseqarnissaminut akuerineqarsimanersoq. New Dehlimi illuatungiliuttut, AFP malillugu, isumaqarput piginnaatitaanini qaangersimagaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER