Skip to main content

Uran aatsitassarsiortut piumaqaat

Naalakkersuisut erseqqissarpaat Australiamiut aatsitassarsiorfiat taamaallaat akuerineqartoq Kuannersuarni uraneqarneranik misissuinissamut.

Australiamiut aatsitassarsiorfiat Greenland Minerals and Energy suliffeqarfittut siullersaalluni nunatsinni aatsitassarsiornissamut misissuinissami uran ilanngullugu misissorsinnaalerpaa.

Akuersissut taanna Greenland Minerals and Energyp nuannerilluinnarpaa. Kuannersuarni aatsitassanik qaqutigoortunik, zinkimik uranimillu piiaanissaminut aningaasanik pissarsiniarsarivoq. Akielrsinnaasumik piiaasoqarsinnaaneranik misissuinissa akuerineqaqqaartariaqrapoq, kiisalu uranisiortoqanngivinnissaanik pilitikkeqarnerup taamaatinneqarneranik.

Naalakkersuisut nalunaarummi erseqqissarpaat Greenland Minerals and Energy taamaallaat akuersissutieqarfigineqarsimasoq Kuannersuarni uraneqarneranik misissuinissamik . Suliffeqarfik uranimik piiaasinnaananilu misissuisinnaanngilaq.

- Naalakkersuisut kissaatigaat aatsitassat qinngornernik ulorianartunik imaqartut pillugiy isumannaallisaanerup peqqinnissallu ilisimasaqarfigineqarnerulernissaa. Tamanna naalakkersuisut uranitalinnik misissuinissap piiaanissallu kingunerisinnaasaannik ilisimasaqarnerulernissamut anguniakkamut tulluartuuvoq, inuutissarsiornermut aatsitassanullu naalakkersuisoq Ove Karl Berthelsen aamma Jørn Skov Nielsen nalunaarput.

- Maleruagassanut ilassuteqaammi erseqqissunngorlugu erseqqissarneqarpoq, avatangiisinik nalilersuinerit il.il. taamaattut inaarsarneqarnissaannut akuersissut, qinngornernut ulorianartunut tunngatillugu misissuinissamut piiaanissamullu akuersissummik tunineqarnerunngitsoq. Greenland Minerals and Energy Kalaallit Nunaata Kujataani pisinnaatitsissumminnut tunngatillugu avatangiisitigut aningaasaqarnikkullu misissuinernik suliaqarnissamut akuersissummik, maleruagassat nalinginnaasut matuma siuliani taaneqartut naapertorlugit qinnuteqarpoq aammalu akuerineqarluni. Maleruagassat naapertorlugit akuersissut qinngornernut ulorianartunut tunngatillugu misissuinissamut piiaanissamullu akuersissummik tunineqarnissamik pisinnaatitaaffiliinngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER