Skip to main content

Kuannersuit uranisiorfigineqarsinnaalerput

Australiamiit Greenland Minerals and Energy suliffeqarfinnit siullersaalluni Kalaallit Nunaani aatsitassarsiornerminni uranip aamma ilaasinnaaneranut akuerineqarpoq.

Australiamiut aatsitassarsiorfiutaata nammineerluni piumasaqarneratigut Greenland Minerals and Energymik piginneqataassutinik tuniniaaneq ulluni kingullerni matoqqtinneqarpoq.

Maannakkut Greenland Minerals and Energymiit suna peqqutaanersoq nalunaarutigineqarpoq.

Tusarniaareernerup kingorna namminersorlutik oqartussat Greenland Minerals and Energy akuerissussuteqarfigaat Kuannersuarni aatsitassarsiornissamik misissuinerminni akilersinnaasumillu piiaasoqarsinnaaneranik misissuinerminni uran aamma ilanngussinnaagaat.

Uranip saniatigut Greenland Minerals and Energyp zink ilanngukkusuppaa, kiisalu nunatta kujataani qaqqaniit aatsitassanik qaqutigoortunik piiaanissaq.

Aatsaat siullermeertumik aatsitasarsiorfik nunatsinni aatsitassanik ujaasinerminni uranip ilanngunnissaanik akuersissuteqarfigineqarpoq.

Roderick McIllree Greenland Minerals and Energymi pisortaa oqarpoq akuerissuteqarfigineqarnertik nuannaarutigeqalugu. Maannakkut aatsitassarsiorfimmiit Kuannersuit tamakkiisumik naliliivigineqarsinnaalissapput, nalunaartummi allappoq.

- Kuannersuarmi aatsitassanik piiaanissami alloriarnerup tullia ingerlanneqarsinnaalerpoq, Kalaallillu Nunaani soqutigisaqartut qanimut suleqatigerusuppavut, pitsaanerpaamik ineriartortoqarnissaa anguniarlugu, Roderick McIllree nalunaarummi allappoq.

Greenland Minerals and Energy akilersinnaasumik piiaasoqarsinnaaneranik misissuereerpat, uran ilanngullugu, taava piiaasinnaanermut akuersissummik Aatsitassanut pisortaqarfimmut qinnuteqassapput. Akilersinnaasumik piiaasoqarsinnaaneranik nalilersuineq kingullerpaaq 2011-p affaani kingullermi naammassissasoq suliffeqarfimmit ilimagineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER