Anders Kielsen toquvoq
Paamiut Kommuniani borgmesteriusimasoq KANUKOKA-milu siulittaasuusimasoq toqukkut qimaguppoq.
73-nik ukiulik Qaqortumi inunngorsimasoq Anders Kielsen marlunngormat toquvoq.
Anders Kielsen kommunimi naalakkersuinermik suliaqartuusimavoq malunnaateqarluartoq, 1970-ikkullu qiteqqunneranniit kommunit nammineernissaat annertuumik suleqataaffigisimallugu.
- Annasseeraq eqqaamavarput politikeriusoq qiimasoq eqeersimaartorlu, isummanik assigiinngitsunik naapititseriarsinnaassusilik. Nulia, meerai ilaqutaalu tamaasa kommunit kattuffiannit misiginneqatigaavut. Eqqaaneqarnera ataqqinartipparput.
KANUKOKA-p siulittaasua Enok Sandgreen taama pingasunngornermi tusagassiuutitigut nalunaarummini taama allappoq.
Anders Kielsen ingammik ilisimaneqaatigaa Paamiut Kommuniani 1989-miit 1993-imut borgmesteriugami, 1983-imiit 1989-imut KANUKOKA-mut siulittaasuulluni.
Paamiut Kommunianni kommunalbestyrelsimut 1974-imi ilaasortanngorpoq, tassanilu 1975-imiit 1997-imut borgmesteriusarsimalluni viceborgmesteriusarsimallunilu.
KANUKOKA politiuneralu
1976-miit 1983-imut KANUKOKA-p siulersuisuiniippoq, 1965-miit 1968-imut Paamiunilu timersoqatigiiffimmi 'Nagtoralimmi' siulittaasuulluni 1997-miillu Kalaallit Nunaanni Brugsenini siulersuisunut ilaasortaalluni.
Anders Kielsen juunip 12-ani 1937-mi Qaqortumi ingunngorpoq, angallatip naalagaata Willu Juul-Andersenip MIne Kielsenillu erneralugu. 1990-mi marsip 4-aani INI-mi siunenrsortini Birthe Kielsen (Nielseniusimasoq) katippaa.
Anders Kielsen ilaatigut Sisimiuni politiusimavoq, Paamiuni Danmarkimilu.
Ernera Kim Kielsen ullumikkut SIumut sinenrlugu Inatsisartunut ilaasortaavoq. Marsimi 2007-mi Kim Kielsen ineqarnermut, attaveqarnermut aatsitassanullu naalakkersuisuuvoq Siumumiit Hans Enoksenip naalakkersuisunut siulittaasuunerata nalaani.
Anders Kielsen toqussi tikillu nuliilu Birthe Kielsen Nuummi najugaqarpoq.