Skip to main content

Imeruersaatit eqeersaatitallit imigassamik ajornartorsiuteqalersitsisinnaapput

Amerikami misissuinerit takutippaat imeruersaatit eqeersaatitallit koffeinik akulipilussuit imigassamik ajornartorsiuteqalernissamut navianaateqarsinnaasut.

Imeruersaat eqeersaatitalik annertuumik koffeinimik akulik imertinnagu immaqa eqqarsaqqaalaartariaqarpoq.

USA-mi ilinniartunik 1000-nik misissuinerup takutippaa imeruersaatimik eqeersaatitalimmik imertuartaraani tamanna imigassamik pinngitsuuisinnaannginnermik kinguneqaratarsinnaasoq.

Misissuinerit University of Marylandimi ingerlanneqartut takutippaat ilinniartut sapaatip akunneranut ataasiarlutik imeruersaatinik eqeersaatitalinnik imertartut aamma imigassamik annertunermik imertartut, tassaallutillu inunnit imeruersaatinik eqeersaatitalinnik imerneq ajortuniit imigassamik pinngitsuuisinnaannginnissamut qaninnusut.

Ilinniartut imeruersaatinik koffeinitalinnik imertuartartut aamma imigassamut atatillugu ajornartorsiuteqalernerusartut. Tassaasinnaavoq silaarussimasut, imaluunniit aqagulunnertik peqqutigalugu atuariartungnitsoortut.

Ilinniartut misissorneqartut pingajorarterutaat marlungajaat ukioq kingulleq imeruersaatinik eqeersaatitalinnik imertarsimapput, 10 procentillu imigannaaralugu. Misissuinerup ingerneri aappaagu atuagassiami "Alcoholism: Clinical and Experimental Research" saqqummersinneqassapput.

Taama allappoq Ritauz/AFP

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER