Skip to main content

Illoqarfinni mikinerusuni illuliornernut 230 mill. kr.-nit

Aningaasanut inatsisikkut aalajangiunneqarpoq illoqarfiit anginerpaat sisamat avataanni illunik sanaartortoqalissasoq.

Ineqarnermut, Atortorissaatinut Angallannermullu Naalakkersuisoq Jens B. Frederiksen piffissami kingullermi isornartorsiorneqartarpoq illoqarfiit pingaarnersaanni inissialiortoqarpallaarneranik. Aningaasanut inatsit akuersissutigineqaqqammersoq atorlugu tikkuaavoq isorinninneq uniuinerusoq.

Sumiiffinni inissianik amigaateqarfiusuni inissialiortoqassaaq. Naalakkersuisut aamma siunertaraat Kalaallit Nunaanni tamarmi aaqqissuussaasumik illoqarfinnik nutarterisoqassasoq, aamma illulioriaatsit nutaat eqqarsaatigalugit, Jens B. Frederiksen tusagassiorfinn8t nalunaarutikkut oqarpoq.

- Allattoqarfiga peqqoqqammerpara ilaqutariinnut illunik, kinguaariit arlallit ataatsimut najugaqarfigisinnaasaanni, ineriartortitsineq aallarteqqullugu, Ineqarnermut, Atortorissaatinut Angallannermullu Nalakekrsuisoq Jens B. Frederiksen oqarpoq.

Ilaqutariinnut illut ilisarnaatigaat illuliaassammata sisamanik inissiartallit, tassa inissiat marluk marlunnik initallit, ataaseq pingasunik initalik ataaserlu sisamanik initalik. Illut piginneqatigiilluni inissialiatut sananeqassapput, tamakkuanilu assersuutigalugu najugaqarsinnaapput aanaakkut/aataakkut, angajoqqaat aamma qitornat/qatanngutit.

Ilaqutariinnut illumi ineqarnermut aningaasartuutit imatut naleqqussarneqarsinnaapput inissiat angissusaat malillugu assigiinngiiaarlutik. Ilaqutariinnullu illut kinguaariit utoqqaanerusut sapinngisamik sivisunerpaamik namminneq illoqartarnissamik kissaataat naammassisinnaavaat, aammalu ilaqutariit meerartallit aanaakkunnut/aataakkunnut qanittumi najugaqarsinnaallutik.

Sumiiffinni inissiassaaleqiffiunngitsuni ilaqutariinnut illut illoqarfiup nutarsarneranut tapertaasinnaapput, tamakkunani illut pisoqaanerpaat aserfallassimanerpaallu isaterneqarsinnaallutik ilaqutariinnullu illunik nutaanik, nutaaliaasunik avatangiisinillu mingutsitsinngitsunik taarserneqarsinnaallutik.

- Maanna 2011-mut Aningaasanut inatsit akuersissutigineqarmat 2014-ip tungaanut illoqarfiit anginerpaat sisamat avataanni 230 milloner koruuninut sanaartortitsineq aallartissinnaalerparput, Jens B. Frederiksen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER