Skip to main content

Puisit amii 3700-it tunineqarsinnaapput

Aningaasaqarnermut ataatsimiititaliamit akuersissutigineqarpoq 1,5 million kroninik aningaasaliisoqarnissaa. Taamaaliornikkut novembarimi tuniseqqittoqarsinnaassaaq.

Naalakkersuisut puisit amiinut tunisinermut tapiissutinik immikkut aningaasaliissuteqarnissamut qinnuteqaataat Aningaasaqarnermut Ataatsimiititaliamit akuersissutigineqar-poq.

Novemberimi puisinik tunisinissamut tapiissutinik 1.500.000 kr.-nik ilassutinik aningaasaliisoqarpoq. Tamanna isumaqarpoq amernik 3.700 missaannik suli tunisisoqaqqissinnaasoq. Taamaallaat natsit aamma aataat amiinut tapiissutit atuutissapput, taamaalillutillu natsersuit, ussuit ataarsuillu amiinut atuutissanngillat.

Tapiissutit inuussutissarsiutigalugu piniarsinnaanermik akuersissuteqartunut puisit amiinik GG A/S-ip aamma KNAPK-p akornanni akit pillugit isumaqatigiissutaanni pitsaassutsimik piumasaqaatit malillugit pitsaassuseqartunik tunisisunut atuutissapput.

Great Greenland aamma KNAPK-p isumaqatigiissutaa naapertorlugu ammit 5.500-t sinneruttut decembarimi immikkoortitatut tunineqartussaapput. Tunisassatut immikkoortitat taakkua nalliuttut sioqqutitsiarlugit isertitaqarsinnaanermut periarfissiinissaq qulakkeerniarlugu illikartitaapput.

Oktobarip 22-aniilli tunisisinnaaneq unitsinneqarsimavoq tassalu sapaatip akunnerani pingasut missaaniittuni piniartut soriarsinnaasimanatik. Aamma Upernavimmi Uummannamilu qaleralinniarneq unitsinneqarsimavoq, ilaatigullu aallarteqqittarsimagaluarluni uteqattaartoqarporli.

Aalisarnermut apiniarnermullu naalakkersuisoq Ane Hansen aningaasaqarnermut ataatsimiititaliamut qinnuteqareersimasoq tunisisinnaanermut aningaasanik qinnuteqareesimavoq aalisarnermut piniarnermut ataatsimiititaliaq sapaatip akunnerani kingullermi innersuussinngikkallarmalli novembarimi puisit amiinik tunisisinnamut aningaasaliisoqarnissaanik.

Amerpassuit

Oktoberimi kisitsisitigu ttakuneqarsinnaavoq puisit amii 13.409 tunineqarsinnaasut taakkulu qaammammut amerlaqaat.

Amalie Jessen isumaqarpoq taamatut tunisisinnaanerup annertusinera tassaasoq allatigut isertitaqarsinnaannginnermik qaleralittassat nungussimanerigigut, kiisalu aningaasartuteqarneruneq isertitaqarnerunermik kinguneqartioq.

Oktobarimi agguaqatigiissillugu ammit 610-t ullormut tunineqartarput - tassalu nalinginnaasumit marloriaat sinnerlugu, ullormummi ammit 200-it 300-illu akornanniittut tunisaasarput.

Maannakkulli kiffartuussinissamik isumaqatigiissut akillu peqqutigalugot ukioq manna ammit 61.000-it tunineqarsinnaassapput.

Ukioq manna oktobarip 22-ani ammit 55.528 tunineqareersimapput. Tamassuma kinguneraa tuniniaanerup unitsinneqarnera ammimmi 5.500-it decembarimi tunineqartussapput. Taamatut ammaasineq aatsaat decembarip aallaqaataani atuutilissaaq nalliuttut sioqqullugit piniartukkormiut isertitaqarsinnaanerisa qulakkeerneqarnissaat qulakkeerniarlugu. Piniartut 1.122 oktobarip 22-ata tungaanut tunisismapput.

Tuninisisinnaanerup nalinginnaasumik takutippaa piniartut tuninisinnaajuarnissaminnut periarfissaqanngitsut.

Kvartalimut pisaassat

Great Greenland aamma KNAPK apriil 2010-mi akinik isumaqatigiissuteqarmatta kvartalimut pisaassat aalajangiunnearput. Kvartalimut pisaassat naammatikkaangata tunisineq unitsinneqarallartassaaq, aatsaallu aallarteqqittartussaalluni kvartalip tullia aallartikkaangat. 2010-mi kavtalimut tunisasat makkuusimapput:

1.Kvartal (jan.-marts) = 12.500

2.Kvartal (april-juni)= 8.700

3.Kvartal (juli-sept) = 19.500

4.Kvartal (sept.dec) = 20.300

Apriilip 17-aniit akit nutaattassapput 250 kronit natsermut aataamullu tamannalu amernut nutaanut parnertitanulu atuulluni.

Isumaqatigiissut naapertorlugu kvartalimut pisaassat nungukkaangata tunisineq unittartussaavoq, tamannalu tamatigungajak pisarpoq kvartalip naannginenrani. Taamaattoqarneratigut piniartut qaammatip naanerani aningaasaqarnermikkut eqqorneqaatigisarpaat akiligassat akilerneqassatillugit.

GG-mi pisortaq Henrik Estrup nalunaarpoq kiffartuussinissamik isumaqatigiissummi ukioq manna pusit amiisa tunineqarnissaasut 25,9 million kronit atorneqassapput. Aamma oqaatigaa Great Greenland aningaasanik amerlanerusunik qinnuteqarsimasoq oktobarimi pisaassat nungummata, taamaalilluni tunisineq novembarimi ingerlanneqarsinnaalluni.

Ukioq manna ammit ikinnerusut

Ukiut siuliinit ukioq manna tunisinissamut tapiissutit ikinnerupput. 2008-mi ammit 92.000-it tuninearsinnaapput, ukiorli manna 61.000-iullutik. Tamanna naammattutut isikkoqanngilaq, piniartut ajunngitsumik inuuneqassappata, soorlu aamma aningaasartuutit amerliartornerat eqqarsaatigineqarsimanani.

KNAPK-mik isumaqatigiinniarnerup nalaani Great Greenlandip upernaaq siunnersuutigaa illoqarfinni puisit amiinik tunisineq unitsinneqassasoq, taamaalillutik piniartut nunaqarfinni isorliunerusunilu tunisisinnaallutik. Tamannali KNAPK-mit peqataaffigiumaneqanngilaq. Akerlianilli kvartalimut pisassiisarneq eqqunneqarpoq, tamassumalu ajoraluartumik takutippaa piniartut inuussutissaqarnissaannut tamanna naammanngitsoq.

Ilanngussaq 1: Tunisat pillugit kisitsisit GG A/S-imeersut

Puisit amii tunisat (amerlassusaat) 2008 2009 2010

Kiffartuussinissamut isumaqatigiissut 92.000 67.000 55.000

Kiffartuussinissamut isumaqatigiissummut ilassut 10.000 6.000

Ukiumut 81.580 77.143 61.000

Qaammammut (agguaqatigiissillugu) 6.798 6.429 5.083

ullormut (agguaqatigiissillugu) 224 211 167

Piniartut oktobari ilanngullugu tunisisut amerlassusaat 1.274 1.122

Puisit amii tunineqartut (amerlassusaat) Oktober 2009 November 2009 December 2009 Oktober 2010 November 2010 December 2010

Qaammammut 7.568 11.230 5.951 13.409 - 5.472

Ullormut (agguaqatigiissillugu) 244 374 192 610 - 177

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER