Skip to main content

Serpalittartinneq 200.000 koruuninut

Silami nalunnguartarfissamik minneruusumik pilersitsinissaq Narsami iluatsittumik katersuiniarnikkut qanilleriarpoq

Nalunnissamut periarfissat Narsami pisariaqartinneqarput, timersuutitut sunngiffimmilu sammisassatut, imeqarfiup inuunermut navianartup aamma taartissaanik, meeqqat inuusuttuaqqallu ipillutik ajunaarnissaat pinaveersaarniarlugu.

Naluttarfimmik inersuarmik pilersitsinissamik taamaattumik peqatigiiffiliortoqarsimavoq, ukiuni kingullerni Narsami aningaasanik katersiniarnikkut, pikunik tuniniaanikkut, ataatsimut nereqatigiissitsinikkut il.il. 50.000 koruuningajaat katersorneqarsimallutik.

Bjarne Frøslev-ip piumassutsiminik ikiuunneratigut aningaasanik katersiniarneq siumut aallartinneqartinneqarsimavoq, inersuarnik naluttarfinnik pilersitsiniartarnermi annertuumik misilittagaqartoq. Pissutsit periarfissallu paasisaqarfigiumallugit september 2010-mi Narsamut eqqaanulu tikeraarpoq. Pilersaarut tapersersorumallugu internetimi quppernermik pilersitsisimavoq, katersuiniarnermik siumut aallartitsisussamik, soqutiginnittut aningaasanillu tunissuteqartartut ingerlaavartumik paasissutissittarumallugit.

Periarfissat pingasut sulissutigineqarput:

Silami naluttarfimmik minnerusumik pilersitsinissami 200.000 koruunit katersorneqarnissaat anguniakkat siullersaraat.

Silami naluttarfimmik annerusumik pilersitsinissami 5 millioner koruunit katersorneqarnissaat anguniakkat aapparaat.

Illoqarfimmi timersortarfimmut pioreersumut atatillugu illoruarsuarmik naluttarfimmik angisuumik pilersitsinissami 12 millioner koruunit katersorneqarnissaat anguniakkat pingajoraat.

Pilersaarut Susanne Godtfredsen-imit januar 2008-mi aallartinneqarpoq, naluttarfiliornissamillu sulissuteqarneq uani malinnaaffigisinnaavat, www.eriks-grenland.dk

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER