Oqarasuaatinut orsulersuutit tukakkunnaassapput
Oqarasuaatinut angallatakkanut orsulersuutit siunissami tamanut atorneqarsinnaasut piviusunngulerput.
Oqarasuaatinut angallattakkanut orsersuutit assigiinngitsorpassuit qanganngulerput. Europami assigiissaarinissamut ataatsimiititaliami CENELEC-imi orsulersuut tamanut atorsinnaasoq akuerineqaqqammerpoq. Taanna oqarasuaatinut angallattakkanut sunulluunnit naammassaaq.
Nunanit arlalinnit immikkut ilisimasallit periusissaq nutaaq EN 62684 akuersissutigeqqammerpaat. Dansk Standard suliaqartitisisuuvoq, tassanilu taanna iluarineqarpoq:
-Atoruminarluinnarpoq oqarasuaatinik angallattakkanik atuisorpassuarnut oqilisaassilluni, siunnersorti Christian Verholt ataatsimiititaliami tassani allattaasoq oqarpoq. Aamma avatangiisinut iluaqutissartaqarnissaa naatsorsuutigaa:
- Assigiissaarinerit avatangiisinut iluaqutaasinnaanerannik EN 62684 takussutissatsialaavoq. Maannakkut orsulersuutit assigiielrmata pisoqaq ullumikkutut igittariaaruppoq. Pigeriikkat atorluaqqinnissaannut aqqutissaalluarpoq, Christian Verholt oqarpoq.