Sarfaq Ittuup sisamanngornikkut Kangilinnguit aqqusaartalissavai

Arctic Umiaq Linep Kangilinnguani Sakkutooqarfik isumaqatigiissuteqarfigaa decembarip aallartinneraniit 2011-mi sapaatit akunnerat siulleq ilanngullugu Kangilinnguanut Sarfaq Ittuup tikittalernissaa pillugu. Isumaqatigiissutikkut qulakkeerneqarpoq Arsummiit ilaasussat Juullip nalaani sinerissamut angalasinnaalernerat. Kangilinnguani Sakkutooqarfiup sakkutooqarfimmi angallat Kugssak Arsuup aamma Kangilinnguit akornanni assartuitittassavaa.

Sarfaq Ittuk sisamanngornerit tamaasa Kangilinnguanut tikittassaaq.

- Siusinnerusukkut umiarsuup Arsuk avaqqutiinnartarpaa. Kangilinnguanili Sakkutooqarfiup suleqatigilernerata Arsummiit ilaasoqarsinnaalernerput periarfissanngorpoq. Naak siornatigut allarpassuarnut tunngatillugu Kangilinnguani Sakkutooqarfik suleqatigisaraluarlutigu, aatsaat siullerpaamik ilaasunik angallassinermut tunngatillugu ataqatigiissaarivugut, Jette Larsen, AUL, oqarpoq.

Ullumikkut taamaallaat Arsuup aamma Qaqortup akornanni angalanissaq periarfissaavoq. Iluaqutaasoq tassaavoq Arsummi aamma Kangilinnguani inuttaasut periarfissaqarnerulernerat, tassami Paamiunut aamma Nuummut ingerlaqqissinnaalerput.