Aningaasanut inatsimmi oqalutsinut akissaqanngilaq
Aningaasanut inatsit nakorsat erloqinartumik kukkunerannik kinguneqarsinnaavoq.
Aningaasanut inatsimmi oqalutsinut aningaasanik naammattunik immikkoortitsisoqanngilaq, taamatut allappoq laeger.dk.
Tamatumalu kingunerisinnaavaa siunissami nakorsat erloqinartumik kukkuneri amerlanerusut.
Tamanna malitarisassanik, naalakkersuisut qanittukkut aningaasaqarnerup ilorraap tungaanut aallarteqqinnissaanut pilersaarutaanni akuersissutigineqartunik sakkortuumik sakkortusisitsineruvoq, tassuunakkut nunasisut ukiut arfineq-marluk nunameereersut akeqanngitsumik oqalutseqartarnerannik arsaarniarneqarlutik.
Nunasisunut nakorsaatinut Odensemi professori ivertinneqaqqammersoq Morten Sodemann, ileqimisaartorpoq:
- Sapaatip akunnerani uani tyrkiamiu angut 70-inik ukiulik sulisarunnaareerluni oqaatsinik annaasaqartoq pulaartoraara, aammalu kalaaleq napparsimasoq ukiuni 35-ini najugaqarsimasoq, tusilartunngornini pissutigalugu oqaatsiminik annaasaqarsimasoq pulaartorisimallugu; taakkua oqalutsimik atorfissaqartitsipput. Tamatuma saniatigut journalikkut uppernarsarsinnaassavara napparsimasoq paasissutissinneqarsimasoq akuerinnillunilu. Pisumi amerlasuuni tamatuma kingunerissavaa inatsisinik unioqqutitsillunga iliortunga, oqalutsimik najuuttoqanngippat, Morten Sodemann oqarpoq.