Skip to main content

Nunatsinni qullersat smaragdisiornermi ileqqorlunnerarneqarput

Kuupik Kleist aamma Ove Karl Berthelsen ilaquttatik naalakkersuisunit piginnaatitaaffilerneqartut aqqutigalugit aatsitassarsiornermi akuunerarneqarput.

Naalakkersuisunut siulittaasoq Kuupik Kleist aatsitassanullu naalakkersuisoq Ove Karl Berthelsen suliffeqarfiup aatsitassarsiortup qullersaanni ilaqutaqarput, smaragdinik ujaasinissaminnut naalakkersuisunit akuersissuteqarfigineqarsimasunik.

Partiip illuatungiliuttut anenrsaanni Siumumi siulittaasoq Aleqa Hammond ileqqulluttoqarneraavoq.

- Kammalaatersornerunngila ileqqullunnerullunilu, naak tusagassiuutitigut oqarsimagaluartut tamanna allanngortinniarlugu, Aleqa Hammond Ritzauimut oqarpoq.

- Naalakkersuinikkut ileqqorissaarnikkullu akisussaassuseqarnissaq ujartorpara, oqarpoq piumasaralugulu aningaasatigut inissisimanerit tamarmik saqqummiunneqassasut.

Suliami pineqarpoq aatsitassarsiorfik namminersortoq Greengems ApS. Suliffeqarfimmi tassani Aviâja Vandersee siulersuisuni siulittaasuuvoq, inooqatigisaalu tassaavoq naalakkersuisut siulittaasuat Kuupik Kleist saamerliunianit Inuit Ataqatigiinneersoq 2009-mi naalakkersuisuulersoq. Aviâja Vandersee aamma namminersorlutik oqartussani akitsuutinut allattoqarfimmi overassistentiuvoq.

Grethe Kramer Berthelsen suliffeqarfimmi tassani pisortaavoq aatsitassanullu naalakkersuisoq Ove Karl Berthelsen (IA) uigalugu.

Arnat taakku marluk oktober 2009-mi siulersuisuniilerput uitik taarserlugit IA naalakkersuisuutitaqalermat.

Siumup socialdemokratiusup suliaq Kalaallit Nunaanni Inatsisartut kukkunersiuinermut ataatsimiititaliaanut saqqummiunniarpaa paasissutissat tamarmik saqqummiunneqarnissaat siunertaralugu.

Siumup siulittaasua Aleqa Hammond aamma isumaqarpoq, Australiamiut aatsitassarsiorfiani Rimbal Ply Ltd-mi taassumalu suliffeqarfiutaani Tanbreez Minemi soqutigisatigut isornartoqartoq.

Siumut siornamut Kalaallit Nunaanni naalakkersuisuusarsimasuni tamani issiasimavoq. Folketingimut ilaasortaq Lars-Emil Johansen, naalakkersuisunut Siumumullu siulittaasuusimasoq aamma aatsitassarsiorfiit ilaanni qullersat akornanniippoq. Greenland Minerals and Energy A/S-mi siulersuisuni siulittaasuuvoq. Suliffeqarfiup taassuma Kalaallit Nunaata kujataani Kuannersuarni suliaq sammivaa, tassanili uraneqarlunilu zinkeqarfeqarluni.

Maannakkut Siumup siulittaasuata Aleqa Hammondip Lars-Emilip inissisimanera illersorlugu oqaatigaa nunatsinni Inatsisartuniikkunnaarsimasoq, taakkuuppummi aatsitassarsiornerup iluani ujaasinissamut pisariaqartumik akuersissuteqartartuusut.

Arfiningnornermi Naalakkersuisut siulittaasuat Kuupik Kleist oqaaseqartinneqarsinnaasimanngilaq, juulimili Ritzauimut oqarpoq:

- Pisortat suliffeqarfiutaanni naalakkersuinikkut toqqarneqartut tamarmik taarserneqarput. Naalakkersuinermik suliaqartuuneq qinigaanerlu niuernermik ingerlataqarnermut ingalassimatinniarneqarpoq, naalakkersuisut siulittaasuat oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER