Skip to main content

Toqunartumik eqqugaasuni siulliit ullumi angerlartinneqassapput

Sanasut, Brugsenimi sulisut pisiniallu toqunartumik eqqugaasut ajornerpaappat toqusimasinnaagaluarput. Nakorsaanerup pissutsinut nassuiaataa tusaajuk.

Aatsaat siullermeersumik napparsimasut taama amerlatigisut ataatsikkut Nuummut timmisartuuttariaqarsimapput, Dronning Ingridip Napparsimmavissuani nakorsaaneq Folmer Lynggaard paasissutissiivoq.

Napparsimasut 39-it ataasinngormat Maniitsumiit Nuummukaanneqarput, Maniitsumi Brugsenimi sulinermi ajutoornermi toqunartumik iioraanermik kingorna.

NIPAA DOWNLODERUK: Nakorsaanerup Folmer Lynggaardip pissutsit nassuiaateqarfigai

Napparsimasut unnuaq nakorsaatinik katsorsarneqarput qinngamikkullu iltilersorneqarlutik. Napparsimasullu eqqugaannginnerpaat ullup qeqqata missaani angerlartinneqassapput, Dronning Ingridip Napparsimmavissua paasissutissiivoq.

– Ilimananngilaq napparsimasut ataavartumik ajoqusersimassasut. Qularutiginngilarput tamarmik ajorunnaassasut, Folmer Lynggaard oqarpoq.

Sulinermik ajutoorneq pivoq sanasut stoffi siliconemut assingusoq atormassuk, ajutoornermi Brugsenimi siaruaattoq. Ajornerpaaguni toqumik kinguneqarsinnaavoq, stoffi puannut iserpat, anersaartorneq akornusersorsinnaammagu.

Napparsimasut meerartaqangillat, nukarlerpaaq 16-inik ukioqarpoq angajullerpaarlu 61-inik ukioqarluni. Stoffimik sunnerneqarnerup takussutissarai niaqorlunneq quersornerlu.

Dronning Ingridip Napparsimmavissua marlunngormat ullaap tungaani tusagassiortunik katersortitsivoq, eqqissisaappullu inuunermik ulorianartorsiortoqarsimanngitsoq, Maniitsumilu napparsimmavimmi sulisut pisimasoq ilisimasalittut iliuuseqarfigisimammassuk nersualaarneqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER