Atuartut Rasmus erinarsoqatigaat

Tunumi atuarfiit Rasmus Lyberthimit tikeraarneqaqqammerput suliniummut Meeqqat Pisinnaatitaaffiinut atatillugu.

Aajuna Rasmus Lyberth Paamiuni atuartunik erinarsoqateqartoq.

Tunumi atuarfinnut tusarnaartitsiartorneq Rasmus Lyberth, Stina Berthelsen aamma Roland Thomsen peqataaffigisaannik suliniummut Meeqqat Pisinnaatitaaffiinut atatillugu iluatsilluarpoq.

- Atuarfinnit tallimanit tikilluaqqusaalluarpugut. Meeqqat nuannaartorujussuupput, ingammillu Rasmus Lyberthip erinarsuutai nuannarineqarluarput, ilaat erinnat ilisimaneqarluartut. Siullermik angalanermini tulummit Jane Clarkimit agissamik ingiorneqarpoq, Roland Thomsen oqarpoq.

Ilaatigut Rasmus Lyberthip pulaarpai atuarfiit Tasiilami, Sermiligaami aamma Kulusummi. Tusarnaartitsilluni angalanera tamanna angalanerit aappassaraat, siullermimmi aggustip naajartornerani atuarfiit Paamiuni aamma Nanortalimmi tikeraarfigai.

Angalanerit atuarfiit suleqatigilluinnarlugit pipput, tassa tikinnissaata nalaani meeqqat 6. - 8. klassini atuartut ulluni arlalinni immikkut sammisaqartinneqarmata FN-ip Meeqqat Pillugit Inatsisaanik eqqartorlugu.

Powered by Labrador CMS