Skip to main content

AllStarsimit tusaamasaq eqqakkanik katersueqatigiuk

Kaffisorit illoqarfiillu pingaarnersaat takujuminarnerulersiguk gruppi Illoqarfik Minguitsoq ullumi eqqakkanik katersuippat.

Nuummi eqqaaniluunniit najugaqaruit, ullumikkullu piffissaqaruit immaqa isumassarsiatsialaassaaq nuutoqqamut alakkaakkuit. Tassani gruppi "Illoqarfik Minguitsoq", eqqakkanik katersuiniartoq peqatigisinnaavat.

Tamatuma kingorna Mads B. Lumholt, gruppimik pilersitsisoq ilaatigullu TV-2-mi erinarsornermik unamminermi AllStarsimi ajugaaqataasutut ilisimaneqartoq, kaffillissaaq. Taassuma neriuutigaa "illoqarfik kusanartunngorteqqissinnaallugu".

- Illoqarfimmi qanittuanilu katerisimaarnissanut qaaqqusisoqassaaq eqqakkanik katersuissalluta aammalu kaffisorluta/tiitortuta nuannisaqatigiilaarluta, nuannissaqaaq ilaquttat ilagalugit, Mads B. Lumholt paasissutissiivoq.

Illoqarfik Minguitsoq nettimi quppernernik nittartakkamik pilersitsisimavoq. Tassani nunap asseqarpoq takuneqarsinnaalluni sumi eqqakkanik katersuisoqarsimanersoq sumilu tullianik katersuinissamik pilersaaruteqartoqarnersoq.

Site uani takusinnaavat sites.google.com/site/minguitsoqnuuk

Aamma piumassutsiminnik eqqakkanik katersuisut malinnaaffigisinnaavatit gruppip facebookimi quppernerani. Web-site-mi ujaannassavat Illoqarfik Minguitsoq.

Mads B. Lumholtip "Illoqarfik Minguitsoq"-mik piumassuseqalernera pissuteqarpoq Sermitsiaq.AG-mi allaaserisamik oktobarip 12-ianni saqqummertumik. Tassani inuit arfineq-pingasut oqaluttuarput illoqarfiit pingaarnersaata eqqaani qaqqani arsaattarfittut angissusilimmi qanoq isillutik igalaaminikunik eqqakkanillu allanik katersuisimanerlutik. Nunaminermi tassani eqqakkat 53 kiilu katersorneqarsimapput. Tassa immiaaqqat puukuinut ikinnerpaamik 225-inut naapertuuttut - imaluunniit utertillugit 450 koruuninik nalillit.

- Ajoraluartumik illoqarfiup qaqqaani sumi tamaani suli igalaaminerpassuaqarpoq allanillu eqqagassarpassuaqarluni. Taamaattumik aappaagumut pilersaarutaavoq, aput aareerpat, akuttunngitsumik qaqqani angalasarnissaq eqqakkanut puussiarsuarnik aaqqatinillu sullisinik nassarluni igalaamikunik eqqagassanillu allanik katersuilluini, inuit arfineq-pingasut pineqartut ilaat Peter Kjeldmann oqaluttuarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER