2010-meersut nukittupput
Atuartut tamarmik ukioq manna aggustimi Danmarki efterskoleriartut ingerlalluarput.
- Ukioq manna Jyllandip avannaani efterskolertut taamaatiinnarsimannginerannut peqqutaavoq ukioq manna atuariartortut Ånukittunerullunillu pikkorinnerummata.
Tamanna pingasunngormat Aalborgimi Kalaallit Illuutaani oqaatigineqarpoq, tassanimi kaffisoqatigiipput kalaallit efterkolemiittut Jyllandip avannaani efterskolini ilinniartisisutik ilagalugit.
- Atuartut 69-it tamarmik aggustimi allartittut ingerlaneruttorput. Tamanna siusinnerusukkut misilissimanngilarput, Aalborgimi Kalaallit Illutaani ilinniartitaanermut siunnersorti Jonathan Johansen oqarpoq.
Atuartut katersuunneranni kaffillertoqarpoq, kingorna filmi "Avalakkallarneq - På efterskole i Danmark" 2000-meersoq takutinneqarluni, tassaasoq kalaallit Danmarkimi efterskolertarrtut tikerlaat pillugit Hans Wessingip filmilaa. Ilaquttat, ulluinnarni pisut pinngortitarlu maqaasineqartarput. Ajunngitsumilli naggaserneqarpoq, filmimmi takutippaa pissarsiassaq kingullerpaasartoq, tassalu inuusuttoqatit ukiumi atuarfiusumi peqatigisimasat inuulluaqqunissaat qanoq ajornakusoortartiginersoq.