Skip to main content

Air Greenland-imi nassatanik kiffartuussineq pitsaaneq

1. november aallarnerfigalugu Air Greenland-imut nassatanik tunniussinermi nassatat ingerlaannartussanngorlugit tunniunneqarsinnaalissapput, Danmark-imi nunap immikkoortortaqarfiini allani mittarfinnut Cimber Sterling-imut ilaanissami.

Aaqqissuussinerup kinguneranik Aalborg-imut, Århus-imut, Billund-imut, Karup-imut, Sønderborg-imut aamma Rønne-mut utimullu ilaanissani pitsaanerusumik kiffartuussisoqalissaaq. Air Greenland nalunaarpoq.

Ukiup aappaa avillugu timmisartortitseqatigiiffik SAS-imik taamatut isumaqatigiissuteqarsimavoq, timmisartortitseqatigiiffiup taassuma København-imiit Aalborg-imut aamma Århus-imut timmisartuussisarnerani.

Isumaqatigiissutip kinguneranik Air Greenland-imut ilaasut Danmark-ip iluani SAS-imut aamma Cimber-imut ilaasussat ornigassaat tikillugu nassataat sumunnarnersut nalunaarsorneqartalissapput. Tamatumalu kinguneranik København-imut tikinnermi nassatat nammineq aaneqartarunnaassapput, ornigassamullu ingerlateqqittussanngorlugit nalunaarsorneqartarunnaassallutik.

Isumaqatigiissulli nassatanut taamaallaat atuuppoq, ilaasut namminneq sumunnarfissaminnut suli nalunaarsortittassallutik.

Nassatat nalunaarsorneqartarnerat ingerlanneqarsinnaaqqullugu, Air Greenland-ip København-imut tikinneranit uninngavissaq minnerpaamik minutsinik 45-nik sivisssuseqartassaaq, tullianik timmisartuunneqarfissap tungaanut.

Timmisartoq kinguartuussagaluarpat imaluunniit ilaanissamut inortuisoqarsimappat, ilaasut nassatallu Air Grteenland-imit aamma Cimber Sterling-imit akisussaaffigineqarsinnaassanngillat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER