Skip to main content

Puisi: Unnerluutigineqartut tamarmik akisussaajumanngillat

Ingerlatsiviup Puisi A/S-ip akiliisinnaajunnaarnerata kingorna eqqartuussinermi unnerluutigineqartut 12-it tamarmik mianersuaalliorujussuarneranngillat - taamalu namminersorlutik oqartussat aningaasanik annaasaqartillugit.

Tamanna erserpoq suliassami annertuumi Landsretimi ingerlanneqartumi ullormi eqqartuussinermi siullermi.

Eqqartuussinneq tallimanngormat ualikkut Nuummi ingerlanneqarpoq, pilersaarutigineqartutullu ulluni 21-ini eqqartuussinissani siullersaalluni.

Namminersorlutik Oqartussat selskabip siulersuisui unnerluuppai siuttoralugit taamanikkut siulersuisuni siulittaasuusimasoq Lars-Emil Johansen, taamanikkut pisortaasimasoq Hans Peder Barlach Christensen kiisalu taamanikkut selskabip kukkunersiuisua Ole Hansen kukkunersiuisutullu ingerlatsivik Grønlands Revisionskontor.

2000-imi puisinik pølsilianik ingerlatsiviup akiliisinnaajunnaarnerata kingorna Puisi-mi marlunnik unnerluutiginnittoqarpoq, namminersorlutik oqartussat unnerluussisuullutik. Eqqartuussivikkoortitsisoqarporlu pissutigalugu unnerluunneqartut - namminersorlutik oqartussat malillugit - iliuutsimikkut aningaasanik annaasaqarnermut akisussaanngortillutik.

Qularnaveeqqutit
Eqqartuussisunut suliassanngortitsinerup siulliani namminersorlutik oqartussat unnerluutigineqartut 11.6 millioner koruuninik akileeqquvaat. Aningaasat tassaapput ingerlatsinermut qularnaveeqqutit namminersorlutik oqartussat ingerlatsivimmut aningaasaliissutigisimasai.Tamatumunngalu atatillugu namminersorlutik oqartussat tunngavilersuutigaat Puisip 12 millioner koruuninik taakkuninnga amerlanerujussuarnik pisariaqartitsinera qullersat nipangiussimasimagaat - taamaasillunilu eqqunngitsumik tunngaveqarluni qularnaveeqqusiisoqarsimasoq.

Unitsitsinngillat
Unnerluussutip aappaani namminersorlutik oqartussat akiliisinnaajunnaarnermi pigisat sinnerlugit piumasaqaateqarput.

Tassani aningaasat piumasarineqartut 10,9 millioner koruuniupput.

Suliami namminersorlutik oqartussat eqqartuussissuserisuata Jesper Müllerip, Nuna Advokater-imeersup, immikkuualuttut tikinngilai, piumasarineqartut 10,9 millioner koruunit pisunit assigiinngitsunit pingasuneersuummata. Taassuma tunngavilersuutigaa aningaasanik annaasaqarnermut atatillugu qullersat imminnut akisussaassuseeqalersissimasut uniisitsinnginnermikkut.

- Pingaarnerpaatut isumaqartoqarpoq ingerlatsineq siusinnerusukkut unitsinneqarsimasussaagaluartoq, tamarmik nalunngimmassuk sumut ingerlasoq. Selskabip oqimaaqatigiinneranik ajornerulersitsineq pissutigalugu taarsiisoqarnissaanik piumasaqaateqartoqarpoq. Tamatumalu saniatigut aningaasanik ingerlatitseqqittoqartarsimavoq, ingerlatitseqqinnernut tamakkununnga tunngavissaqanngitsoq, eqqartuussissuserisoq eqqartuussivimmi erseqqissaavoq.

Pinngitsuutillugit
Eqqartuussinermi unnerluutigineqartut eqqartuussissuserisuisa tamarmik piumasaraat "Pinngitsuutinneqassasut" - ilanngullugu oqaatigalugu eqqartuussissuserisut sullitaat eqqartuunneqassagaluarpata namminersorlutik oqartussat piumasaannit annikinnerusumik taarsiissuteqassasut. Tamatumani tunngavilersuutigineqaqattaarpoq suliniummi aningaasanik annaasaqaratarsinnaaneq namminersorlutik oqartussat akuersaarsimagaat.

Suliassamut atatillugu toqqaannartumik unnerluutigineqartut 12-it taakkua saniatigut eqqartuussissuserisoq Wilhelm Malling, Nuuk, aamma unnerluunneqarpoq. Suliassanngortitsisuuvoq Lars-Emil Johansen, nammineq pisuutinneqassaguni pisussanngorlugu.

Taakkua marluk eqqartuussissuserisuisa pinngitsuutinneqassasut aamma piumasaraat.

Suliassanngortitsiffigineqartut arlaannaalluunniit eqqartuussinermi najuutinngilaq.

Suliassaq arfininngorpat ingerlaqqissaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER