Skip to main content

Puisimi pisortaasimasoq: Kinamut nuussineq pissusissamisoorpoq

Puisi AS-imi akiliisinnaajunnaarsimasumi pisortaasimasup Hans-Peder Barlach Christensenip Nunatta Eqqartuussiviani erseqqissarpaa aningaasarpassuarnik Kinami suliffeqarfimmut Sino-Am-Arcticimut nuussineq inatsisinik unioqqutitsinerunngitsoq.

Puisit neqaanik pølsiliorfimmi Puisi AS-imi akiliisinnaajunnaarsimasumi pisortaasimasoq Hans-Peder Barlach Christensen pingasunngormat 2000-mi akiliisinnaajunnaarneq sioqqullugu susoqarsimanersoq pillugu imminik paasinninnerminik saqqummiivoq.

Suliffeqarfiip akiliisinnaajunnaartup Namminersorlutillu Oqartussat pisortaasimasoq, siulersuisuusimasut, kukkunersiuisoq kukkunersiuisarfillu 22,5 million kroninik akileeqqullugit unnerluutigaat. Pisortarlu unnerlutigineqartunit siullersaalluni Nunatta Eqqartuussiviani nassuiaavoq.

Eqqartuussivilersuussisut eqqartuussissuserisuat Jesper Müller Nuummi Nuna Advokatineersoq ilaatigut kissaateqarpoq, Puisi A/S-imiit Kinami suliffeqarfimmut Sino-Am-Arcticimut nuussinerit nassuiarneqarnissaat. Suliffeqarfik amerikamiumit niuertumit David Stevensimit pigineqarpoq, taannalu Kinamut puisit neqaanik pølsiliornissamik puisillu orsuanik iisartagaliornissamik Puisi A/S-imik suleqateqarpoq.

Aqutsisuusimasut siulersuisunullu ilaasortaasimasut akisussaatinniarneqarput, Puisi A/S atagallarmat Kinamut 6,1 million kroninik nuussisimamermut, kingornalu taakku annaaneqarlutik.

- Aallaqqaammulli suliffeqarfiup siunertaraa Kinami tunisassiortoqarlunilu tuniniaasoqassasoq. Tuniniaavimmilu nutaami aningaasaliinissap aningaasalersornissaa Puisip isumagisussaallugu, Hans-Peder Barlach Christensen Nunatta Eqqartuussiviani nassuiaavoq.

Atortussat akilerpai
Jesper Müllerip aperineratigut pisortap nassuiarpaa, tassani pineqartut tunisassiornermi atortussat Kangiani imaluunniit Islandimi pisiaasut Kinamullu nassiunneqartussat. Pisumi allami pisortaasimasoq nassuiaavoq Kinami suliffeqarfimmi sulisunut tallimanut akissarsiaasimassasut, taakkununngalu ilaavoq David Stevens. Pisunili arlaqartuni bilagit nassuiaruminaapput - taakkumi ukiunit quliniit pisoqaanerupput.

- Nuussinernulli toqqorsiveqarsimavoq. Taannali soraarnerma kingorna iserfigisinnaanngilara, Hans-Peder Barlach Christensen eqqartuussivimmi nassuiaavoq. Tassunga atatillugu nassuiaavoq ullormik ataatsimik piffissaqarluni januar 2000-mi soraarnini nalunaarutigisimallugu, kingornalu nunarput qimakkallarlugu Danmarkimiissimalluni.

Tatineqarpoq
Pisortap taama aalajangersimanini tunngavilersorpaa piffissami sivisuumi nuanniillliorsimalluni tatineqarsimallunilu.

- Suliaq tatineqarsimavoq. Ingammik tusagassiorfinniit, taakkulu apeqqutigiuartarsimavaat suliaq qanga aallartissimanersoq, pisortaasimasoq eqqartuussivimmi nassuiaavoq.

Suliami qitiutinneqarpoq missingersuusiortoqarsimasoq puisip orsuanik iisartagliornissamut orsoq atorneqartussaq kilomut 500 kronilerlugu tunineqartarsimalluni. Tassunga atatillugu pisortaasimasup erseqqissarpaa, taamma qaffasitsigisumik akeqartitsineq peqquteqartoq iluanaarutip nunatsinniinnissaa, akia qaffasilluni orsoq Kinamut tunineqarpat. David Stevensilli kissaatigisimavaa akip appasinnissaa taamaalilluni iluanaarut Kinamiilluni, Hans-Peder Barlach Christensen nassuiaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER