Skip to main content

Atuarfiup matuniarneqarneranut akerliussutsimik takutitsineq

Nuummi Atuarfik Qorsussuup matuneqarnissaanik pilersaarutinut akerliullutik inuttaasut marlunngorpat akerliussutsimik takutitsissapput.

Akerliussutsimik takutitsineq atuarfimmit aallartissaaq nalunaaqutaq 15.15, akerliussutsimik takutitsisut illoqarfiup qeqqa aqqusaassallugu. Ingerlaaqatigiit rådhusimut unissapput, tassani angajoqqaat naammaginninngitsut sinniisuisa sulisullu borgmester Asii Chemntiz Narup, Inuit Ataqatigiit, naapissallugu.

Angajoqqaat ilinniartitsisullu naammaginngilaat matusinissaq ilimagisamit sukkanerusumik pissammat.

- Upernaaq kommunimit paasitinneqarsimavugut atuarfik matuneqassappat tamanna siusinnerpaamik 2013-imit pissasoq. Aasaanerani atuanngiffeqarnerup kingorna paasiniarsivoq naatsorsuutigineqartoq ukioq atuarfiusoq aasaru naappat atuarfik matuneqassasoq. Tamatumunngalu atatillugu qanoq pisoqarnissaanik pilersaaruteqarnera maqaasivarput, ilinniartitsisoq Bodil Kleist tikkuaavoq, taannalu atuarfimmi suleqatigiinnermut ataatsimiititaliamut ilaasortaavoq pineqartumullu atatillugu ilinniartitsisut sinnerlugit oqaaseqartartuulluni.

Taassuma ilanngullugu tikkuarpaa kinguneqaateqanngitsoornavianngitsoq atuarfimmi atuartut 350-t illoqarfimmi atuarfinnut allanut avissaartortinneqassappata.

- Atuartoqarpugut atuarfinni angisuuni ingerlalluarsinnaanngitsunik. Uagutsinni eqqissisimaneq nassaarisimavaat. Assersuutigalugu 10. klassini atuartuvut fagitigut angusarissaartarsimapput, Bodil Kleist oqarpoq.

Akerliussutsimik takutitsineq ingerlanneqassaaq ilinniartitsisut atuarfiullu siulersuisuisa suleqatigiinnerisigut.

Atuarfik Qorsussuaq Nuummi atuarfiit pisoqaanersaraat. Taassumalu matunissaanik kommunalbestyrelsi ilimasaarivoq kommuni ilaatigut illoqarfiup ilaani Qinngutsinni nutaamik atuarfiliormat ilaatigulu pissutigalugu atuartut ukiuni arlalinni ikiliartorismanerat.

Naatsorsuutigineqarpoq kommunalbestyrelsi novembarip ingerlanerani aalajangiivissasoq, 2011-mut missingersuutit akuersissutigineqarnerannut atatillugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER