Skip to main content

Igor suli sakkortoqaaq

Kiattuni ulussaarsuusimasoq Igor nunatta kitaanut Davisstrædimut pisimalerpoq.

Ulussaarsuaq Igor Kap Verdemi aallaaveqartoq attartoqaaq, Bermuda Canadallu kangia aqqusaarsimalerlugit.

Tassali pisoqasaanngoreeraluarluni suli sakkortuvoq. Nunatta kujataani sumiiffinni arlalini anoraasuasarnera ulussaarsuartut sakkortugisarsimavoq. Tamanna peqquteqarpoq Igorip itissusianik nunattalu eqqaani pissutsit.

Narssarsuup mittarfiani pingasunngormat unnukkut anorip 30 m/s angusarpaa anoraasuaraangamilu 42 m/s angusarlugit, DMI.dk nalunaarpoq.

Tassaavorlu Narsarsuarmi nigip kissartup Igorimik akullugu sunniutaa. Pingasunngormat unnukkut kiaap 17,8 gradit anguai. Aamma Qaqortumi Paamiunilu 16-nik 17-inillu kiassuseqartarpoq Nuummilu unnuap naalernerani 18 gardit angusarsimallugit.

Paamiuni anoraasuarnerata 48 m/s angusarsimavaa. Qaqortumi anorersuarsimavoq anoraasuarneralu ulussaarsuartut sakkortutigisarsimalluni. Maannakkut Igor Davisstrædi sakkukilliartorpoq ilimagineqarporlu immami nillataartumi suujunnaassasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER