Skip to main content

Kalaaliaqqat præsidenti naapippaat

Tunumi nunaqarfiit ilaanni atuartut qeqertami oqaluttuassartaqaqisumi paasisassarsiorlutik angalaarnerminni Islandip præsidentia Ólafur Ragnar Grímsson ilassiartorpaat.

Silap allanngoriartornera ilaatigut eqqartorneqarpoq, Tunumiit atuartut Islandip præsidentia Ólafur Ragnar Grímsson pulaarmassuk.

– Kalaaliaqqanut oqalugiarnermini præsidentip erseqqissarpaa silaannaap kissattikkiartornerata siunissami issittumut pingaarutaata paasineqarnissaa pingaarluinnartuusoq. Ólafur Ragnar Grímssonip Ruslandip ministeriunera Putin ataatsimeeqatigeqqammerpaa, ilaatigut tamanna eqqartorneqarluni, Kulusumi Alivarpimmi atuarfiup pisortaa Lars-Peter Sterling allappoq.

Islandimiut præsidentiata aamma apeqqutit imminerminut tunngasut akisarpai, sorlu qanoq angitiginersoq, nulianilu sumut pisimaneraa.

Tallimassaa Tasiilamit Illoqqoortoormiuniillu nunaqarfinni atuartut Islandimut tikeraarput, pingajussaalu Islandip præsidentia ilassiartorneqarluni.

Meeqqat Islandimut tikeraarnerat Kopavogurimi (Ammassallip kommunerisimasaata illoqarfittut ikinngutaannit, aaqq.) atuarfeqarnikkut aqutsisoqarfimmiut, islandimiut kalaallillu ikinngutigiiffiata KALAK, skakkernermut klubbip Hrokurinn, Altingip nunanut allanut ataatsimiititaliaata Islandimilu ikinngutaalluartut aaqqissuussaraat. Islandimut tikeraarneq Kommuneqarfik Sermersuumit aamma tapiiffigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER