Skip to main content

Nunatsinni Røde Korsip ullua

Kalaallit Røde Korsiat sapaatiuppat oktobarip 10-ani Røde Korsimut ulloqartitsissaaq.

Ullormi tassani Kalaallit Røde Korsiat Nuummi, Ilulissani Qaqortumilu assigiinngitsunik sammisaqartitsiniarpoq.

Ulloq iluatsillugu Kalaallit Røde Korsiat ”Ukiup ikiueqqaartuatut” taallugu nersornaasiiniarpoq, nersornaasiinissamut ikiueqqaarnermi ataatsimiititaliaq nersornaasigassanik siunnersuuteqassaaq.

Ukioq manna inuit pingasut nersornaaserneqassapput. Taakku tassaapput piniartut Hjalmar Hammeken, Scoresby Hammeken kiisalu Jørgen Arqe Ittoqqortoormiininngaanneersut.

Piniartut taakku inuunerminnik ulorianartorsiortitsigaluarlutik Tyskit arfinillit Rødefjordimi qajariartillutik ukiarmi augustip aappaanni anorersualiussaasut annaanniarpaat. Silagissorsuugaa ualikkut tassanngaannat piteraq pitaruppoq, qajariartunilu marluinnaat nunamut namminneerlutik apuussinnaasimapput, sisamallu imaani ajornartorsiulerlutik. Piniartut Ittoqqortoormiininngaanneersut ajornartorsiortut annaappaat, politiinullu kalerriillutik. Ikiueqqaarnerlu ingerlallugu qulimiguullip annaassiniartup tiimit 14-t qaangiunnerani tikinnissaata tungaanut.

Annaassiniartut taakku pingasut tamarmik Kalaallit Røde Korsiata ikiueqqaarnermut pikkorissartitsinerani peqataanikuupput. Kalaallit Røde Korsiata annaassisimasut piniartut pingasut tamaasa immikkut tamaasa immikkut nersornaammik tuniniarpaat kr. 5.000,00 aningaasartalimmik. Nersornaatit tallimanngorpat oktoberip 8-ni tunniunneqassapput. Kalaallit Røde Korsiat sinnerlugu NanuTravelip pisortaanit Martin Munck nersornaatinik tunniussissaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER