Skip to main content

Angut ipinissaraluamit annaanneqartoq

Angut 27-nik ukiulik piffissaq kingullerpaaq atorlugu politiinit annaanneqarpoq, Uummannap talittarfiani aalakkoorluni immamut nakkarami.

Arfininngormat ullaassakkut sisamat missaanni angut 27-nik ukiulik Upernavimmeersoq kutteriminukartilluni Uummannap talittarfiani immamut nakkarpoq.

- Angut aalakoorluni kutteriminut ikaarniartilluni immamut nakkarpoq. Napparsimmavimmi sulisut talittarfimmi ikioqqulluni nilliasumik tusaapput politiillu kalerrillugit, taakkulu kingunitsiaa takkupput. Tamanna angutip annassutigaa, kingusinnerulaartukkumi takkussimasuuppata angut immami nilleqisumi ipilluni toqusimassagaluarpoq, Avannaani politiini pisortaq Bo Borgnæs oqarpoq.

Angut immamit qaqinneqareerluni erngerluni Nuummut oqqunneqarpoq. Angut ajunngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER