Avalak nammineq misissuisitsinermik saqqummiivoq
Danmarkimi ilinniagaqartut kattuffiat Avalak nunatsinni, Danmarkimi nunanilu allani ilinniartut inuuniarnerannik misissuisitsivoq.
Inatsisartut isumaqatigiillutik upernaakkut ataatsimiinnerminni 2010-mi aalajangerpaat, naalakkersuisut nunatsinni, Danmarkimi nunanilu allani kalaallit ilinniartut atugaannik misissuisitsissasut, pitsaanerusumik assigiiaarnerusumillu atugaqarnissaat siunertaralugu. Paasineqarporli Danmarkimi ilinniagaqartut peqatigiiffia Avalak taamaattumik misissuisitsisoq.
- Oktobarip 8-ani 2010 Avalaap misissuinerup inerneri Inatsisartut kultureqarnermut, ilinniartitaanermut, ilisimatusarnermut ilageeqarnermullu ataatsimiititaliaanut saqqummiuppai, kiisalu naalakkersuisunut. Ilinniagaqartut peqatigiiffii KIK aamma Kisaq Illisimatusarfimmiit peqataapput. Aamma nalunaarutigineqarpoq oktobarip 11-ani ilinniagaqartut kattuffiani ataatsimiinnissaq isumaqatigiissutigineqarmat, kultureqarnermut, ilinniartitaanermut, ilisimatusarnermut ilageeqarnermullu naalakkersuisoq Mimi Karlsen Niels Thomsenimut § 36 naapertorlugu aperisumut akissuteqarluni oqarpoq.