Skip to main content

Antuup eqqagassat aaqqissavai

Nunaqarfinni illoqarfinnilu mikinerusuni eqqagassat illoqarfinni angisuuni ikuallaavinnut assartorneqartalissapput.

Kalaallit Nunaat nunarsuarmi minguinnerpaatut suaarutigineqartarpoq, nunaqarfinnili amerlasuuni ikuallaaveqarpoq atorsinnaanngitsumik, taakkulu ulluinnarni inuuneq takornariat quppersagaanniit qalipaatigeqisunit allaanerusumik najugaqartut misigisarpaat.

Nunami pissutsinut, pinngortitamut avatangiisinullu Naalakkersuisoq Anthon Frederiksen, Kattusseqatigiit Partiiat, eqqakkat pillugit ulluni makkunani paasisitsinisaanissamik aallartitsissaaq. TV-kut takusassiat, allagartaliinerit internetimilu ussassaasutit tamatta eqqaariaatsitsinnik eqqarsalersissavaatigut. Tamannali eqqagassat annertusiartortut annikillisaavigisinnaavagut. Atueqqinneq pinngortitamilu mianerinninneq tassaapput ataasiakkaarluta iliuuserisinnaasavut.

Tassani inuit ataasiakkaat kisimik pineqanngillat aammali kommunit eqqakkanut akisussaapput. Naalakkersuisut 2011-mut aningaasanut inatsisissatut siunnersuutaanni Qeqertarsuup tunuani, Kujataani Tunumilu suliniutissanut aningaasanik immikkoortitsisoqarpoq, nunaqarfinnit illoqarfinnillu mikinerusumit eqqakkat illoqarfinnut ikuallaaveqartunut assartorneqartarlutik. Aamma eqqagassat allat ajornartorsiutitallit tigooraaveqarnissaannut Naalakkersuisut siunnersuutaani aningaasaliivigineqarput.

Naalakkersuisut eqqakkat passunneqarnissaannut 2010-13-mut pilersaarusiorsimapput:

- Uani kisimik pineqanngillat teknikkimut tunngasut aammali innuttaasut paasitinniarneqarnissaat, taamaalilluta peqatigiilluta eqqagassat amerliartornerannut suliassaq suliaralutigu, Anthon Frederiksen oqarpoq.

Eqqaasarneq pillugu paasititsiniaaneq ukiap sinnera ingerl*assaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER