Skip to main content

Juullimi naalagiarnissat oqummik ulorianartorsiorput

Hans Egedep Oqaluffiani apersortittussat atuartinneqarnerat qaammammik ataatsimik kinguartinneqarpoq.

Illoqarfiup atuarfiini 8. klassini atuartunik apersortinnissamut atuartitsineq qaammammik ataatsimik kinguartinneqarpoq oktobarimiit novembarimut.

Hans Egedep Oqaluffia, atuartitsinerup annersaanik ingerlatsitsiffigineqartartoq, annertuumik oqoqalersimavoq sanasut ulluni makkunani atortut sakkortuut atorlugit piuneerutsinniagaannik.

Taarsiullugu apersortinnissamut piareersarnerit sapaatit akunnerini 44-miit 49-mut, juullimilu atuanngiffeqarnerup kingorna sapaatit akunnerini 4-miit 13-imut, ingerlanneqassapput.

Apersortittussanik atuartitsinermut pisortaq, palasi Marianne Platou Olsen Nuuk Ugeavisimut oqarpoq neriuutigalugu oqunnera sanasut unitsissagaat.

– Juullikkunni naalagiarnerpassuaqartussaavoq pilersaarutigineqarporlu 2011-mi maajip 8-anni juunillu 19-ianni apersortittoqassasoq.

Hans Egedep Oqaluffiata oqoqalerneratigut apersortinnissamut piareeersarnerit kinguartinneqarnerat tamassuma kinguneqaataasa ilagiinnarpaat.

Oqaluffiup angisuup qaqortup, 1971-imi juulip 4-aanni atoqqaarfissiorneqartup, qalia ukiorpassuarni ussiissimavoq, tamannalu oqaluffiup inerpassuinik isugutatsitsivoq oqoqalersitsillunilu.

Pattagiarsuaq eqqorneqanngilaq
Hans Egedep Oqaluffia juulimi matoqqavoq naalagiartarfiata sanasunik iluarsaanneqarnerani.

Ukiut 39-it matuma siornatigut oqaluffik silaannarissarfilersorneqarpoq, naalagiartartorpassuilli ukiut ingerlaneranni ini isugutammik annertuumik pilersorsimavaat.

Nutaanik silaannarissarfilersorneratigut naalagiartarfimmi silaannaq kaaviiaartinneqarpoq annikinnerusumillu isugutatsitsilluni.

Organip allaffia annertuumik oqoqalersimavoq, qujanartumilli malunnartoqanngilaq oquk oqaluffiup pattagiarsuanik kusanartumik Frobenius-imik eqquisimasoq.

Maanna ilagiit inaat oqaluffiullu allaffii nutarterneqalerput, taakkunani pingaartumik igalaat oqummik saassunneqarsimallutik.

Oqaluffiup palasii ataasinngormat, marlunngormat pingasunngormallu angerlartinneqarput ISS Grønland A/S-ip oqummik akiuiniarnerani.

– Oquk akornutaasimava?

– Aap, ilaasa isimikkut torlussamikkullu panertooqqaneq malugisimavaat, ataasiakkaalli oqummut qisuariarnerat assigiinngitsorujussuuvoq, Marianne Platou Olsen oqarpoq.

Kulturimut, ilinniartitaanermut, ilisimatusarnermut ilageeqarnermullu naalakkersuisoqarfimmi immikkut siunnersorti Erik H. K. Heilmann naliliivoq Hans Egedep Oqaluffiata oquiarneqarnera 1 aamma 3 millioner koruunit akornanni akeqassasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER