Skip to main content

Nuummi atuarfik matuneqariaannaavoq

Ukiut qulit ingerlanerini Nuummi meeqqat atuarfiani atuartut ikiliartortillugit Qinngutsinnilu nutaamik atuarfiliortoqarneratigut Qorssussuaq qanganngoriaannaavoq.

Ineriartortitsinermi immikkoortortaqarfiup ataani atuarfeqarnermut immikkoortortami Kommuneqarfik Sermersuumi sipaarnissamut pilersaarusiornermu tatatillugu nassuerutigineqarpoq, ukiuni kingullerni Nuummi meeqqat atuartut ikiliartungaatsiarsimasut, taamaattumillu Qorsussuup atuarfiata matunissaa siunenrsuutigineqarluni. Matusinnaaneranut atatillugu ulluni makkunani attuumassuteqartut ilisimatinneqarput.

Taam allappoq Kommuneqafik Sermersooq, erseqqissarneqarporlu susassaqartut tamarmik tusarniarneqassasut suleqataatinneqarlutillu.

Komuneqarfik Sermersuumi sipaarniartoqarnissaanut atatillugu immikkoortortat tamarmik sipaarutissatut siunnersuuteqartussaapput. Atuarfeqarnermut immikkoortortami siunnersuutit ilagaat Qorsussuup atuarfiata matuneqarnissaa, ukiup atuarfiusoq 2010/11 naammassippat Qinngutsinnilu atuarfik ammarneqarluni.

Matusinissamut siunnersuuteqarnermi aamma tunngaviuvoq ukiuni qulini kingullerni Nuummu atuartut 500-nik ikileriarsimanerat.

Ineriartortitsinermi immikkoortortaqarfiup ataani atuarfeqarnermut immikkoortortamiit matusinissamut siunnersuut susassaqartunut ulluni makkunani ilisimatitsissutigineqarpoq. Ilisimatitsinermi erseqqissarneqarpoq Qorsussuup matunissaa aalajangiiffigineqanngitsoq, aatsaallu novembarimi naalakkersuinikkut aalajangiivigineqassalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER