Skip to main content

Tupaarnaq Danmarkimi misigassarsiorpoq

KNB aamma COOP sulisuminnik taartigiipput.

Brugsen suliniummik ingerlataqarpoq sulillutik sungiusarniartut sulisullu Danmarkimi Superbrugsenimi Kvicklymilu suliartorsinnaanerannik imaqartumik.

- Qaammatini marlunnni Københavnimi Nørrebrogademi Kvicklymi sulininni misilittaqarluarpunga qaammaassaqarnerulerlungalu, 21-nik ukiulik Tupaarnaq Joelsen oqarpoq.

Tupaarnaq Joelsen nunatsinni Brugsenimi sulisunit siullersaalluni taamatut Kalaallit Nunaanni Brugsenip KNB-p Danmarkimilu COOP-ip ingerlataani suliartoqpoq. Sulisoqarnermut pisortaq Carsten Olsen oqarpoq, tamanna misilittagaqarnerunissamut ilinniarnissamullu periarfissatsialaasoq.

- Qaammassaqarnerulerneq peqqinnarpoq, oqarpoq.

Tupaarnaq Joelsen aamma qallunatut oqalunnissaminut pikkorissarpoq.

- Ilinniaqqinnissara kajumigilerpara. Qallunaatut oqalussinnaanerulerpunga, Brugsenimilu ilinniaqqinissannut piareerlunga, oqarpoq.

Carsten Olsenip erseqqissarpaa, KNB-imi sulisut sulinerminni inuttullu ineriartornissaat pingaartinneqartoq. Tamanna pikkorissarnerpassuartigut sulinermillu sungiusarniartorpassuarnut periarfissiinikkut pisarpoq. Oqaatsit qallunaatuujuppata kalaallisulluunniit sulisunut aporfiuneq ajorput, oqaatsimmi taakku marluk atorlugit pikkorissaasoqartarpoq.

Tupaarnaq Joelsen siullersaalluni Nørrebromi Kvicklymi angisuumi siullersaalluni qaamatini marlunni sulisimammat tulluussimaarutigaa.

- Allat Danmarkimukartissinnaanerannut aqqutissiuivoq, oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER