Akiuussutissap nutaap meeqqat mikisut annappai

Ataatsimeersuarnermi Nunamed 2010-mi sapaatip akunnerata naanerani uani Katuami ingerlanneqartumi, ilaatigut meeqqat mikisut nappaataannik katsorsaasarneq pinaveersaartitsisarnerlu sammineqarput.

Nakorsaaneq Freddy Karuo Pedersen siornatigut Rde Korsimi siulittaasuusimavoq Katuami Nunamed-eqarnermi oqaluttuarpoq, akiuussutissaq nutaaq Kalaallit Nunaat tikilluaqqugini.

Tassa akiuussutissaq bakteriamut Pneumokok-imik pitsaaliuisartoq. Bakteria taanna nalinginnaangaatsiartuuvoq, meeqqanilli mikisunit toqussutaasarluni.

Nunarsuarmi tamarmi meeqqat tallimat inorlugit ukiullit 8 - 9 milliuunit nappaat katsorsaruminakannersoq taanna toqussutigisarpaat, pingaartumik puammikkut aseruuttoorutigalugu.

Bakteria Pneumokok puannik aseruuttoorutaagajuttarpoq, taamaattumillu akiuussutissap taassumap Kalaallit Nunaanni atorneqalernissaa aalajangiunneqarsimavoq.

Kalaallit Nunaanni nappaatit tuniluuttartut pitsaaliorneqartarnerat katsorsarneqartarnerallu Nunamed-eqarnermi suleqatigiissutigalugit sammineqassapput.

Powered by Labrador CMS