Skip to main content

Qitornavissiartaarnerit naapertuilluanngitsuliornerupput

Tine Bryld kommissionilioqqusivoq untritilikkaanik qitornavissiartaarnernut pissutsinik avaanngunartunik misissuisussamik.

Kalaallit meerartaat untritilikkaat 1960-ikkut ingerlaneranni 1970-ikkullu aallartinneranni qallunaanit angajoqqaanit qitornavissiartaartarsimapput naapertuilluannginnertut taaneqartumik, taamatut allappoq Politiken.

Qitornavissiartaarnerit kalaallit meerartaannut amerlaqisutigut misigisaasarsimavoq kinguneqarlutsitsisoq, kulturiminnit kalaallinillu ilaquttaminnit peersinneqarnermikkut.

Pisut ilaanni qitornavissiartaarnernut allagartaqarsimagunanngilaq, assersuutissaqarsimavorlu kalaallit meeqqat qallunaanit angajoqqaanit qitornavissiartaarineqartarsimapput meeqqat pinaakkaluartut.

Tamanna paasineqarsimavoq qitornavissiartaarnerit misissorneqarnerisigut, atuagassiap Social Kritik-ip ingerlassimasaatigut.

Socialrådgiveri atuakkiortorlu Tine Bryld, immikkut normumik taassuminnga aaqqissuisuusoq kalaallinillu qitornavissiartaarineqarsimasunik arlalinnik oqaloqateqarsimasoq, isumaqarpoq kommissionimik pilersitsisoqartariaqartoq.

Taassuma qitornavissiartaarnerit qulaajassavai qulakkeerlugulu qitornavissiartaarineqartut meeraanerminnit paasissutissanik pissarsisinnaanissaat.

- Naapertuilluanngitsuliortoqarsimavoq Kalaallit Nunaannilu 1950-ikkunni, 1960-ikkunni 1970-ikkunnilu nutaanngorsaanermi pisoqarsimalluni paquminartunik, Tine Bryld oqarpoq.

Nunatsinnut tunngasunik ilisimatuup Birgit Tróndheim-ip, Ilimmarfimmeersup, qitornavissiartaarnerit untritillit arlallit misissorsimavai.

Taanna naliliivoq qitornavissiartaartitsinerit pisarsimasut kalaallit qitornavissianngortitsisarannik akerliusumik, tassa tamatumani meeqqat ilaquttanut imaluunniit ikinngutinut inissinneqartarmata angajoqqaavimminnullu qanimut attaveqarlutik.

Pisimasuni, kalaallit meerartaasa Danmarkimit qitornavissiartaartikkiartorneqartarneranni, kalaallinut ilaquttanut attaviit kipitinneqarput, taanna tikkuaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER