Skip to main content

Qanga pisuni paasisassarsiorneq

Ilisimatooq Villerslev nunatsinni dna-mut tunngasunik uissuumminartunik paasisaqarsimavoq. Maannakkut nunarsuarmi dna pillugu ilisimatusarfimmi siullerpaami pisortanngussaaq, inuusarsimasunik uumasuusarsimasunillu peerussimasunik ujaasinermi siuttuusussami.

Ilisimatuut qallunaat inuusarsimasunik uumasuusarsimasunillu peerussimasunik ujaasissapput, sooq uumasut nunguttarnerat nassuaatissarsiniarlugu, piffissallu ingerlanerani inuiaat ingerlaartarnersui nalunaarsorlutit, Center for Geogenetik ullumi marlunngornermi Københavns Universitetimi ammarneqarpat.

- Ukiuni tallimani tulliuttuni nunarsuup oqaluttuarisaanerani uissuumminartunik paasisaqarumaarnerput qularutiginngilara, qangami pisimasut sukumiinerusumik misissorsinnaalersimavagut, dna-mut tunngasunik ilisimatooq Eske Willerslev ilisimatusarfissami pisortanngortussaq oqarpoq. Nunarsuarmi dna-p pisoqaanersai Willerslevip misissoqqissaartarsimavai - tassalu nunatta sermersuaani naasut sullerngillu millionip affaanik pisoqaassusullit. Taakkunannga ilaatigut paasineqarpoq taamanikkut Kalaallit Nunaat Sverigep kujataatut kiassuseqarsimasoq. Willerselvip aamma tusaamasaassutigaa siorna dna-nik misissuinermini paasigamiuk, nuantsini qeriuaannartumik nutsat ukiunik 4000-inik pisoqaassusillit Siberiami dna-nut assingusoq.

Ilisimatusarfissaq nutaaq ilaatigut ilisimatusarnermut aningaasaateqarfimmiit 50 million kroninik aningaasaliiffigineqartoq aqqutigalugu dna-mik misissuinermi qallunaat siuttuunerat attanniarneqassaaq.

- Ilisimatusarfissap immikkuullarissutigaa pinngortitalerinerup inulerinerullu imminnut atalernissaat. 55-inik sulsoqassaanga, ilaatigut dna-mik ilisimatuut, ujarassiuut, qanganisarsiuut, inuit uumaatsulerinermik, kemimik nuanrsuarmilu inuunerup oqaluttuarisaaneranik ilisimasallit, Eske Willeslev oqarpoq.

Nuanrsuarmi inuiaat ingerlaarlutik sumiiffimminnut pisimaneranik paasiniaanermi teknikkit nutaat atorniarpavut, pisortassaq nutaaq nassuiaavoq, upperaalu ilisimatusarneq aamma allatigut iluaqutaajumaartoq.

- Soorlu nappaatit katsorsartarneranni, soorlu kræfti, sklerose aamma virusit bakterissallu aseruuttoortitsiartut timimullu sunniuteqartartut soorlu ebola aamma timmissat nualluutaat, Eske Willerslev oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER