Unammilluaqaat
UKIASSAQ CUP - ukiumi nunami arpannermik unamminerit aaqqissuunneqartut kingullersaat iluatsilluarpoq.
Peqataasorpassuunngillat, nutaartaqangaatsiarlutik UKIASSAQ CUP-p ullorsiorluni naggataarutaasumik aaqqissuusaani orniguttut piginnaasatillu takutillugit, taannalu ataasinngornerni pingasuni, aggustip 23-ani, 30-ani aamma septembarip 6-ani ingerlanneqarput.
Immikkoortuni pingasuni kingullerni nunaannarmi arpattartoq Henrik Hansen peqataavoq Banelæggeritut. Aaqqissuulluagaavoq, naggataagut makitsisoqarluni kikkut tamangajammik pissarsiffigisaanik.
Arpaffissat marluupput, Nanoq (7,5 km) aamma Tuttu (3,7 km). Immikkoortunit siuliiniittunit marlunnit naannerulaarput, tamannalu aamma arlallit nuannersumik tupaallannartutut tiguaat.
Martin Møller arpaffimmi Nanormi ajugaavoq, nr. 2-usumit 15 minutsinik sukkanerulluni.
Pisut marluk aalajangiisuupput: Maannakkut Martinip nassaarisassat nassaaripallappaai, Aqissiallu tigusassat tigunngitsoormagit tupinnanngilaq.
Arpaffimmi Tuttumi arnanut naatsorsuussami Mathilde Kracht nalorninaatsumik ajugaaqqippoq, arpannernilu tamani amerlanerpaanik pointinnalluni - torrak. Arpaffimmi Tuttumi angutinoortumi sakortuumik unammisoqarpoq. Simon Lundholdt siulleråaamik peqataasoq ajugaavoq, unamminernili tamani Jesper Kracht aamma Erik Torm imminnut unammipput. Jesper ajugaavoq 1 pointimik Erimmit amerlaneruluni.
UKIASSAQ CUP-mi angusat imaapput:
Angutit - Tuttu
1. Jesper Kracht (NASP) 12 point
2. Erik Torm (HG DK) 11 point
3. Simon Lundholdt (NASP) 5 point aamma Martin Møller (NASP) 5 point
Arnat - Tuttu
1. Mathilde Kracht (NASP) 15 point
2. Anne-Katrine Andersen (NASP) 8 point
3. Petrine Nielsen (NASP) 7 point
Angutit - Nanoq
1. Aqissiaq Mathiassen (IOG) 13 point
2. Martin Møller (NASP) 10 point
3. Henrik Hansen (NASP) 7 point (marloriartoq, pingajuannilu banelæggeriulluni )
Nanoq arnanit arpaffiunngilaq.
Angusat uani aasinnaavatit