Kalaallit atuartut 'Youth Jamboreeni'
Skivep Norgemi, Sverigemi, Finlandimi nunatsinnilu illoqarfittut ikinngutaannit peqataasunit 100-unit kalaallit inuusuttut arfinillit Morsimi Galtrup Musik- og Idrætsefterskolemiittut 'Youth Jamboreemi' peqataapput.
Jamboree tallimangormat nal. 16.30 Skivemi borgmesterimit Flemming Eskildsenimit ammarneqarpoq, atuartulli sisamanngormat unnukkulli suliaqarersimapput.
Tallimanngornermi Skive Å-mi teambuildinertoqarpoq.
Arfininngormat atuartut Spøttrup Borgimut takuniaapput, tassaavorlu qanga ukiuni akullersuarni kunngip sakkutuuisa illussaarsuaat, unnukkullu qitittarfiusoq.
Atuartut pingasut nunatsinni Skivep ikinngutaaneersuupput Qasigiannguaniit. 6. klassemiillutik Skive Kommunimiissimapput qaammatini pingasuni maannakkullu Morsimi efterskolemiillutik. 6. klassemi ilaqutariinni najukkaminni attaveqaateqarfeqarput.
Sapaammi septembarip 26-ani 'Efterskolot ulluanni' Galtrup Musik- og Idrætsefterskole Qasigiannguaniit 6. klassimiittunut maannakkut Skive Kommunimiittunut immikkut ittumik aaqqissuussissaaq. Kalaallit efterskolemiittut kalaallimit mikinernut takuniaasitsissapput, soorlu aamma assinik videonillu isiginnaartillugit.
Kalaallit inuusuttut arfinillit sapaatip akunnerata naanerani Jamboreemi peqataasut Skive Ungdomsskolemi najugaqarput.