Kalaallit Nunaanni malteserridderi siulleq
Mælkebøtten-ip pisortaa Kalaallit Nunaanni meeqqanik inuussuttunillu sullissisinini pillugu malterserridder-inngortinneqarpoq. Taanna Kalaallit Nunaanni taamaatunngortinneqartut siullersaraat.
Kirsten Ørgaard Kalaallit Nunaanni meeqqat inuusuttullu atugaasa pitsaanerulernissaannik sulissutiginnittuuvoq - angajoqqaallu qitornaminnik sumiginnaannginnissaannik. Suliani tamakku pissutigalugit Kalaallit Nunaanni siullersaalluni Maltesorden-imik saqqarmiulerneqarpoq.
– Malteserriddernes Hospitalip Saqqarmiuliuttagaanik nersornaaserneqarnera nuannaarutigalugulu, tulluussutigalugulu attortissutigaara. Qanna tikillugu aalaterneqarpunga Kalaallit Nunaannilu meeqqat sumiginnagaasut sulliseqqinnissaannut nutaanik nukissaqalerlunga, oqarpoq.
Kirsten Ørgaard Nuummi meeqqat inuusuttullu illuanni Mælkebøttenimi, meeqqanik inuusuttunillu pisariaqartitsisunik isumaginnffiusartumi forstanderiuvoq. Siornatigut aamma Red Barnet-ip nersornaasiuttagaanik silarsuarmilu Rotaryp Paul Harris Fellow Orden-ianik tunineqareersimavoq.
Malteserriddernes Hospitalsorden nersornaataavoq ataqqinartoq, Danmarkimilu inuit 35-iinnaart taamaattumik saqqarmiulerneqarsimapput. Saqqarmiuliisartut inunnik silarsuarmi tamarmi inunnik inoqatiminnik sullissilluartunik saqqarmiuliisarput.